Qazaqstandyq boksshy Gennadii Golovkin (40-1-1, 35 KO) eki dárejeli orta salmaqtaǵy álem chempiony titýldaryn jeńip aldy, alaida onyń jeńisi Boxrec.com portalynyń kóńilinen shyqqan joq, dep habarlaidy QazAqparat Sports.kz-ke silteme jasap.
Gennadii Golovkin Niý-Iorkte tóreshilerdiń sheshimi boiynsha 115-112, 115-112, 114-113 esebimen ýkrainalyq boksshy Sergei Derevianchenkony jeńgen edi. Alaida BoxRec 37 jastaǵy qazaqstandyq boksshyny bul aiqasynan keiin baldyq-reitingtik júiede tómen túsirýdi jón kórdi. Gennadii orta salmaqtaǵy boksshylardyń arasynda ekinshi orynda qaldy, alaida BoxRec-te jinaǵan upailary 1422-den 1277-ge túsip ketti. Al Derevianchenko kerisinshe 493,7 upaiǵa ie. Onyń GGG-men judyryqtaspas buryn upaiy 332,4 bolǵan edi.
Boxrec.com saitynda meksikalyq boksshy Saýl Alvares (52-1-2, 35 KO) alda kele jatyr. Boksshy WBC-tiń «franchaizingtik» chempiony bolyp tabylady, sondai-aq WBA Super beldigine ie. Saittaǵy onyń upai sany - 1637.
