قازاقستاندىق بوكسشى گەنناديي گولوۆكين (40-1-1, 35 كو) ەكٸ دەرەجەلٸ ورتا سالماقتاعى ەلەم چەمپيونى تيتۋلدارىن جەڭٸپ الدى, الايدا ونىڭ جەڭٸسٸ Boxrec.com پورتالىنىڭ كٶڭٸلٸنەن شىققان جوق, دەپ حابارلايدى قازاقپارات Sports.kz-كە سٸلتەمە جاساپ.
گەنناديي گولوۆكين نيۋ-يوركتە تٶرەشٸلەردٸڭ شەشٸمٸ بويىنشا 115-112, 115-112, 114-113 ەسەبٸمەن ۋكراينالىق بوكسشى سەرگەي دەرەۆيانچەنكونى جەڭگەن ەدٸ. الايدا BoxRec 37 جاستاعى قازاقستاندىق بوكسشىنى بۇل ايقاسىنان كەيٸن بالدىق-رەيتينگتٸك جٷيەدە تٶمەن تٷسٸرۋدٸ جٶن كٶردٸ. گەنناديي ورتا سالماقتاعى بوكسشىلاردىڭ اراسىندا ەكٸنشٸ ورىندا قالدى, الايدا BoxRec-تە جيناعان ۇپايلارى 1422-دەن 1277-گە تٷسٸپ كەتتٸ. ال دەرەۆيانچەنكو كەرٸسٸنشە 493,7 ۇپايعا يە. ونىڭ GGG-مەن جۇدىرىقتاسپاس بۇرىن ۇپايى 332,4 بولعان ەدٸ.
Boxrec.com سايتىندا مەكسيكالىق بوكسشى ساۋل الۆارەس (52-1-2, 35 كو) الدا كەلە جاتىر. بوكسشى WBC-تٸڭ «فرانچايزينگتٸك» چەمپيونى بولىپ تابىلادى, سونداي-اق WBA Super بەلدٸگٸنە يە. سايتتاعى ونىڭ ۇپاي سانى - 1637.
