Ortalyq kommýnikatsiialar qyzmetinde ótken brifingide QR Energetika ministrligi atom energetikasy jáne ónerkásibi departamentiniń direktory Jaslan Qasenov atom energetikasyn damytyp jatqan elder týraly málimet berdi, dep habarlaidy QazAqparat.
«Qazir álem boiynsha 31 memleket atom elektr stantsiiasyn paidalanyp otyr. 2022 jylǵy aqpandaǵy jaǵdai boiynsha álemde jalpy qýaty shamamen 391 GVt bolatyn 439 energetikalyq reaktor bar jáne 55 GVt qýaty bar taǵy 52 reaktor salynyp jatyr.
Atom energetikasyn aitarlyqtai qoldanyp otyrǵan elder: AQSh, Frantsiia, QHR, Japoniia, Resei jáne Ońtústik Koreia. Bul elderdiń árqaisysynda 25 GVt-tan astam qýattylyq bar. Kanada men Ýkrainada shamamen 13 GVt, al Ulybritaniia, Germaniia, Shvetsiia, Ispaniia, Úndistan jáne Belgiiada shamamen 5-10 GVt energiia berip turǵan AES ornatylǵan. Taǵy 18 elde árqaisysy 0,4 - 4 GVt dálizinde belgilengen qýaty bar bir nemese birneshe reaktor bar», - dedi Jaslan Qasenov.
Sondai-aq, ol atom energetikasyna bet burǵan elderdiń kartasy alty qurlyqty birdei qamtitynyn atap ótti.
«Frantsiia on jyl oilanǵannan keiin iadrolyq energetikaǵa senim artatyn boldy. Tipti 14-ke deiin jańa reaktor ornatýdy josparlap otyr. Olardyń birinshisi 2035 jylǵa qarai iske qosylýǵa tiis.
Túrkiia, Birikken Arab Ámirlikteri, Belarýs siiaqty elder óz tarihynda birinshi ret AES salǵyzyp otyr.
Buryn AES-ten bas tartqan Polsha qazir atomdyq energetikalyq baǵdarlamasyn jańartýǵa daiyndalyp jatyr. Afrika men Taiaý Shyǵys memleketteri belsene bastady. Eýropalyq komissiia Eýropalyq Odaq múshelerine 2050 jylǵa qarai kómirtegi beitaraptyǵyna kóshý baǵdarlamasyna atom energetikasyn qosý josparlanǵan qaýly jobasyn usyndy», - dedi ministrlik ókili.
