«Álem barysy» álem chempionatynyń jartylai finalynda eki qazaq palýany Aibek Nuǵymarov pen Maqsat Isaǵabylov beldesti, dep habarlaidy "Ult aqparat".
Tartysty ótken beldesý barysynda Aibek qarsylasy Maqsatty eki ret jartylai jeńis ádisimen utyp ketti. Al Maqsattyń qola júlde úshin talasýǵa múmkindigi bar.
Aita keterligi, Aibek Nuǵymarov buǵan deiin «Qazaqstan barysy» (2013), «Álem barysy» (2017), qazaq kúresinen 4 dúrkin Álem chempiony (2010, 2013, 2014, 2016), qazaq kúresinen 4 dúrkin Aziia chempiony (2008, 2009, 2014, 2018) atanǵan bolatyn. Sonymen qatar QR eńbek sińirgen sport sheberi, qazaq kúresinen halyqaralyq dárejedegi sport sheberi ataǵy bar sportshymyz «Qurmet» ordeniniń de iegeri.
Aita keteiik, tórtinshi ret ótip jatqan básekege 30 elden 33 balýan qatysýda.
«Álem barysy» atanýǵa AQSh, Aýstraliia, Ázerbaijan, Braziliia, Grekiia, Grýziia, Úndistan, Iran, Ispaniia, Italiia, Kamerýn, Kongo, Koreia, Kýba, Qyrǵyzstan, Litva, Mońǵoliia, Niderlandy, Pákistan, Polsha, Resei, Sloveniia, Tájikstan, Túrikmenstan, Túrkiia, Ózbekstan, Ýkraina, Estoniia, Iaponiia sekildi elderdiń jáne Qazaqstannyń ataqty balýandary kelgen.
