«Qyzylorda arýy – 2019» – 18 jastaǵy Kamilla Serikbai «Álem arýy-2021» baiqaýynda Qazaqstannyń namysyn qorǵaidy, dep habarlaidy "Ult aqparat".
«Qazaqstan arýy» ulttyq sulýlyq baiqaýy Nur-Sultandaǵy ótetin dástúrli shoýdy 2021 jylǵa aýystyrý týraly sheshim qabyldady. Koronavirýs indetiniń osyndai qiyn kezeńinde jarysty uiymdastyrýshylar men qatysýshylardyń barlyq nazary qaiyrymdylyq jáne áleýmettik jobalardy júzege asyrýǵa baǵyttaldy.
«Baiqaýǵa qatysýshylar Qazaqstannyń barlyq aýmaǵynda osy qiyn kezeńde qaiyrymdylyq jumysyna belsene qatysty: olar pandemiiamen kúreste dárigerlerge, az qamtylǵan otbasylarǵa kómektesti. Ásirese, osy kúrdeli kezeńde «Qyzylorda arýy – 2019» – 18 jastaǵy Kamilla Serikbai basqalarǵa kómekteskisi keletindigimen erekshelendi. Sondyqtan «Qazaqstan arýy» baiqaýynyń direktsiiasy ony «Álem arýy – 2021» baiqaýyna jiberýge sheshim qabyldady. Onyń Halyqaralyq Álem arýy baiqaýynda bizdiń elimizdi laiyqty túrde tanystyratyndyǵyna senimdimiz», - dep jazdy «Qazaqstan arýy «ulttyq konkýrsynyń uiymdastyrýshylary Instagram-daǵy paraqshasynda.
Kamilla Serikbai 2019 jyly «Qyzylorda arýy» ataǵyn jeńip aldy. Sýleiman Demirel atyndaǵy ýniversitette «Qoldanbaly quqyq» mamandyǵy boiynsha oqydy. Karatemen bala kezinen ainalysady, sport sheberi. Ol BUU-nyń izgi niet elshisi bolýdy armandaidy.
