Densaýlyq saqtaý ministri Aleksei Tsoi meditsina qyzmetkerlerine ótemaqy berý máselesinde árbir jaǵdai jeke ári jiti zertteletinin málim etti, dep habarlaidy QazAqparat.
«Kóp adam meditsina qyzmetkerlerine ótemaqy berer kezde tamyzǵa, iaǵni koronavirýs pen pnevmoniia statistikasy biriktirilgenge deiin anyqtalǵan adamdar odan syrt qalmai ma degen suraq qoiyp jatyr. Biz bul baǵytta jumys júrgizip jatyrmyz. Mindetti túrde máseleni jiti zertteimiz. Árbir jaǵdai jeke taldanady. Bizdiń áriptesterimizdiń eshqaisysy bul másele boiynsha alańdamai-aq qoisyn», - dedi Aleksei Tsoi OKQ-da ótken baspasóz máslihatynda.
Ministrdiń aitýynsha, dál qazirgi ýaqytta keleshek úshin kúsh salǵan abzal.
«Kóp ýaqyt ótpei kúz keledi. Bul statistikada ótemaqy men tólemaqy ǵana emes, eń birinshi kezekte resrýstardy bólý, boljaý, diagnostika men aýrýhanaǵa jatqyzý máseleleri qamtylady. Bul mindetter – qazirgi ýaqytta basty mańyzǵa ie», - dedi ol.
