دەنساۋلىق ساقتاۋ مينيسترٸ الەكسەي تسوي مەديتسينا قىزمەتكەرلەرٸنە ٶتەماقى بەرۋ مەسەلەسٸندە ەربٸر جاعداي جەكە ەرٸ جٸتٸ زەرتتەلەتٸنٸن مەلٸم ەتتٸ, دەپ حابارلايدى قازاقپارات.
«كٶپ ادام مەديتسينا قىزمەتكەرلەرٸنە ٶتەماقى بەرەر كەزدە تامىزعا, ياعني كوروناۆيرۋس پەن پنەۆمونييا ستاتيستيكاسى بٸرٸكتٸرٸلگەنگە دەيٸن انىقتالعان ادامدار ودان سىرت قالماي ما دەگەن سۇراق قويىپ جاتىر. بٸز بۇل باعىتتا جۇمىس جٷرگٸزٸپ جاتىرمىز. مٸندەتتٸ تٷردە مەسەلەنٸ جٸتٸ زەرتتەيمٸز. ەربٸر جاعداي جەكە تالدانادى. بٸزدٸڭ ەرٸپتەستەرٸمٸزدٸڭ ەشقايسىسى بۇل مەسەلە بويىنشا الاڭداماي-اق قويسىن», - دەدٸ الەكسەي تسوي وكق-دا ٶتكەن باسپاسٶز مەسليحاتىندا.
مينيستردٸڭ ايتۋىنشا, دەل قازٸرگٸ ۋاقىتتا كەلەشەك ٷشٸن كٷش سالعان ابزال.
«كٶپ ۋاقىت ٶتپەي كٷز كەلەدٸ. بۇل ستاتيستيكادا ٶتەماقى مەن تٶلەماقى عانا ەمەس, ەڭ بٸرٸنشٸ كەزەكتە رەسرۋستاردى بٶلۋ, بولجاۋ, دياگنوستيكا مەن اۋرۋحاناعا جاتقىزۋ مەسەلەلەرٸ قامتىلادى. بۇل مٸندەتتەر – قازٸرگٸ ۋاقىتتا باستى ماڭىزعا يە», - دەدٸ ول.
