Densaýlyq saqtaý ministri Aleksei Tsoi alǵashqylardyń biri bolyp otandyq QAZVAC vaktsinasy men koronavirýsqa qarsy vaktsinany saldyrdy. Vedomstvo basshysynyń vaktsina saldyrý sáti Habar24 telearnasy men ministrliktiń Facebook-tegi resmi paraqshasynda tikelei efirde kórsetildi, dep habarlaidy "Ult aqparat" vedomstvonyń baspasóz qyzmetine silteme jasap.
«Vaktsinanyń alǵashqy partiiasy Biologiialyq qaýipsizdik máseleler jónindegi institýtta 50 myń dozamen óndirildi. Institýtymyz vaktsinany derbes óndirýge múmkindigi bar. Qazaqstanda óndirilgen dozalar barlyq óńirlerge jiberildi. Munan ary óndiristi ulǵaita túsý úshin túrli alańdardy qarastyryp jatyrmyz. Bul - túrik seriktesterimizdiń alańy. Sonymen Gvardeiskiide ózimizdiń zaýytty salý ústindemiz. Qazir ol munan ary iske qosý úshin qural-jabdyqtaryn ornatýdyń barlyq kezeńinen ótip jatyr», - dedi Aleksei Tsoi tikelei efirde QazCOVID-in vaktsinasyn alǵannan keiin «Habar 24» telearnasy tilshisine bergen suhbatynda.
Sonymen qatar ol qazaqstandyq vaktsinany Túrkiiada quiýǵa qatysty ýaǵdalastyq pysyqtalyp jatqanyn basa aitty.
22 cáýir kúni COVID-19-ǵa qarsy qazaqstandyq QazVac (QazCovid-in) vaktsinasynyń alǵashqy partiiasy jóneltildi.
QazVac vaktsinasynyń alǵashqy 50 myń dozasy «SQ-Farmatsiianyń» habtaryna taratylyp, odan ári elimizdiń barlyq óńirlerindegi densaýlyq saqtaý basqarmalarynyń qoimalaryna jetkiziledi.
Budan ári vaktsina óndirisi kezeń-kezeńmen aiyna 500-600 myń dozaǵa deiin ulǵaitylady.
