دەنساۋلىق ساقتاۋ مينيسترٸ الەكسەي تسوي العاشقىلاردىڭ بٸرٸ بولىپ وتاندىق QAZVAC ۆاكتسيناسى مەن كوروناۆيرۋسقا قارسى ۆاكتسينانى سالدىردى. ۆەدومستۆو باسشىسىنىڭ ۆاكتسينا سالدىرۋ سەتٸ حابار24 تەلەارناسى مەن مينيسترلٸكتٸڭ Facebook-تەگٸ رەسمي پاراقشاسىندا تٸكەلەي ەفيردە كٶرسەتٸلدٸ, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
«ۆاكتسينانىڭ العاشقى پارتيياسى بيولوگييالىق قاۋٸپسٸزدٸك مەسەلەلەر جٶنٸندەگٸ ينستيتۋتتا 50 مىڭ دوزامەن ٶندٸرٸلدٸ. ينستيتۋتىمىز ۆاكتسينانى دەربەس ٶندٸرۋگە مٷمكٸندٸگٸ بار. قازاقستاندا ٶندٸرٸلگەن دوزالار بارلىق ٶڭٸرلەرگە جٸبەرٸلدٸ. مۇنان ارى ٶندٸرٸستٸ ۇلعايتا تٷسۋ ٷشٸن تٷرلٸ الاڭداردى قاراستىرىپ جاتىرمىز. بۇل - تٷرٸك سەرٸكتەستەرٸمٸزدٸڭ الاڭى. سونىمەن گۆاردەيسكييدە ٶزٸمٸزدٸڭ زاۋىتتى سالۋ ٷستٸندەمٸز. قازٸر ول مۇنان ارى ٸسكە قوسۋ ٷشٸن قۇرال-جابدىقتارىن ورناتۋدىڭ بارلىق كەزەڭٸنەن ٶتٸپ جاتىر», - دەدٸ الەكسەي تسوي تٸكەلەي ەفيردە QazCOVID-in ۆاكتسيناسىن العاننان كەيٸن «حابار 24» تەلەارناسى تٸلشٸسٸنە بەرگەن سۇحباتىندا.
سونىمەن قاتار ول قازاقستاندىق ۆاكتسينانى تٷركييادا قۇيۋعا قاتىستى ۋاعدالاستىق پىسىقتالىپ جاتقانىن باسا ايتتى.
22 cەۋٸر كٷنٸ COVID-19-عا قارسى قازاقستاندىق QazVac (QazCovid-in) ۆاكتسيناسىنىڭ العاشقى پارتيياسى جٶنەلتٸلدٸ.
QazVac ۆاكتسيناسىنىڭ العاشقى 50 مىڭ دوزاسى «سق-فارماتسييانىڭ» حابتارىنا تاراتىلىپ, ودان ەرٸ ەلٸمٸزدٸڭ بارلىق ٶڭٸرلەرٸندەگٸ دەنساۋلىق ساقتاۋ باسقارمالارىنىڭ قويمالارىنا جەتكٸزٸلەدٸ.
بۇدان ەرٸ ۆاكتسينا ٶندٸرٸسٸ كەزەڭ-كەزەڭمەن ايىنا 500-600 مىڭ دوزاعا دەيٸن ۇلعايتىلادى.
