Koronavirýsqa qarsy vaktsina aldaǵy ýaqytta qazaqstandyqtarǵa aqyly bola ma? Bul suraqqa Densaýlyq saqtaý ministri Aleksei Tsoi jaýap berdi, dep habarlaidy QazAqparat.
«Biz qazirgi ýaqytta Qazaqstanǵa ákelýi múmkin vaktsinalardyń bárin zerttep jatyrmyz. Bári de tirkeý protsedýrasyna bailanysty. Qazaqstan naryǵynda ol vaktsinalardyń paida bolý kezeńine qarai biz óz elimizde ony paidalanyp, halyqqa ekpe jasaýǵa tyrysamyz. Sol sebepti Qazaqstanǵa qai vaktsina birinshi kirgiziletinin boljap bilý qiyn. Biz shamamen 10 shaqty vaktsinanyń baryn kórip otyrmyz. Olar klinikalyq synaqtyń ártúrli satysynda tur», - dedi Aleksei Tsoi Ortalyq kommýnikatsiialar qyzmetinde ótken baspasóz máslihatynda.
Ministrdiń aitýyna qaraǵanda álem elderinde jasalyp jatqan 5-6 vaktsina klinikalyq synaqtyń úshinshi satysynda tur.
«Sondyqtan biz bul vaktsinalardyń bizdiń naryqqa kirgeni mańyzdy. Sol sebepti vaktsinalardy óndiretin kompaniialarmen kelissóz júrgizip jatyrmyz. Bul kompaniialar Qazaqstanǵa kirip, tirkelgeni kerek. Olarmen qansha vaktsina jetkize alatyny týraly kelissózder júrgizilýde», - dedi ol.
Aleksei Tsoi osy vaktsinalardyń biri synaqtan sátti ótse qazaqstandyqtarǵa koronavirýsqa qarsy ekpe tegin nemese aqyly bolatyny týraly suraqqa jaýap berdi.
«Biz mindetti ekpege jatatyn azamattardyń sanatyn bekitkenbiz. Olarǵa tegin vaktsina egiledi. Odan keiin biz osy vaktsinalar naryqta paida bolatyndai jaǵdai jasaǵymyz keledi. Sonda niet bildirgen azamattar tumaýǵa qarsy ekpeni jasata alady. Iaǵni, vaktsinany satyp alý múmkindigi jolǵa qoiylýy kerek», - dedi ol.
