Densaýlyq saqtaý ministri Aleksei Tsoi epidemiologiialyq ahýal boiynsha arnaiy jumys toby jasaǵan 2021 jyldyń sońyna deiingi boljamdy jariia etti, dep habarlaidy QazAqparat.
«Densaýlyq saqtaý ministrliginiń boljaý jónindegi jumys toby 2021 jyldyń sońyna deiin shekteý sharalary kúshinde bolǵandaǵy epidjaǵdaidyń damýyna boljam jasady. Indetti juqtyrý deńgeii osy jyldyń naýryz aiynyń sońynda kóp tirkelýi múmkin. Optimistik stsenarii boiynsha táýligine 3 myń jaǵdaiǵa deiin kútilýde, al tósek qorynyń barynsha qamtylýy 24 myńǵa deiin jetýi múmkin. Degenmen, atalǵan stsenarii kezinde qatań karantin talaptaryn engizý josparlanyp otyrǵan joq», - dedi Aleksei Tsoi Úkimet otyrysynda.
Ministr sonymen qatar realistik jáne pessimistik stsenarii boiynsha kún saiyn 6 jáne 9 myń adam indet juqtyrýy múmkin ekenin aitady. Al tósek qorynyń qamtylýy 45 myńǵa deiin jetedi. Iaǵni KVI-men aýyratyn naýqastarǵa qoljetimdi 52 myń tósekten aspaidy, biraq densaýlyq saqtaý júiesine shamadan tys júkteme túsirmei, sapaly meditsinalyq qyzmetti qamtamasyz etý úshin qatań karantin talaptaryn engizý qajet bolady.
«Birinshi kezeńde 2 million adamdy vaktsinalaý epidemiianyń damýyna oń áser etedi. Bizdiń esepteýimizshe, 2 million adamdy vaktsinalaý tirkelgen jaǵdailardyń sanyn 40 myńǵa azaitady. Tiisinshe, vaktsinamen qamtý neǵurlym joǵary bolsa, KVI-men syrqattanýshylyq pen ólim-jitim azaiady, shekteý sharalary men lokdaýnsyz ómirge oralý yqtimaldyǵy artady. Pandemiianyń damýynyń osy kezeńinde búkil álem ózin-ózi oqshaýlaý men karantinge jalǵyz balama – vaktsinalaý ekenin túsindi», - dedi ministr.
