Densaýlyq saqtaý ministri Aleksei Tsoi astanada karantin nelikten kúsheitilip jatqanyn túsindirdi, dep habarlaidy QazAqparat.
«Nur-Sultan qalasy «qyzyl aimaqqa» endi. Iaǵni munda R sanynyń reprodýktivtiligi 1,26-ǵa jetti. Bul – qaýiptenerlik faktor. Sol sebepti qala deńgeiinde naqty sharalardy qabyldaý týraly sheshim qabyldandy. Biz bul shekteý sharalaryn qoldaimyz. Jaǵdaidy teńestirý kerek. Álbette jaǵdai úreili deýge kelmeidi. Alaida koronavirýs juqtyrǵan azamattardyń sany artyp ketpeýi úshin aldyn alý sharalaryn qabyldaý kerek», - dedi Aleksei Tsoi OKQ-da ótken baspasóz máslihatynda.
Eske sala ketsek 14 qazannan bastap Nur-Sultan qalasynda shekteý jáne karantin sharalaryn qatańdatý týraly Bas memlekettik sanitarlyq dáriger Janna Pirálievanyń qaýlysy jariialanǵan bolatyn.
