Memleket basshysynyń ókimimen Aleksei Dmitrievich Kalaichidi Qazaqstan Respýblikasy Prezidenti Ákimshiliginiń Qaýipsizdik jáne quqyqtyq tártip bóliminiń meńgerýshisi laýazymyna taǵaiyndaldy, dep habarlaidy "Ult aqparat" Aqordaǵa silteme jasap.
Ol Qazaqstan Respýblikasy Ishki ister ministriniń orynbasary laýazymynan bosatyldy.
Politsiia general-maiory Kalaichidi Aleksei Dmitrievich 1963 jyly 3 qańtarda Almaty oblysy Eńbekshiqazaq aýdanynyń Esik aýylynda dúniege kelgen.
Bilimi – joǵary. 1985 jyly Frýnze politehnikalyq institýtyn «Taý-ken injeneri» mamandyǵy boiynsha, 1990 jyly KSRO IIM Joǵarǵy kýrstaryn, 2008 jyly E. Býketov atyndaǵy Qaraǵandy memlekettik ýniversitetin «Zańtaný» mamandyǵy boiynsha bitirgen. Qyzmette jetken jetistikteri úshin IIM basshylyǵymen birneshe ret kótermelengen, «Qurmet» (2012), «Parasat» (2018) ordenderimen jáne 5 merekelik medalmen marapattalǵan.
Ishki ister organdaryndaǵy qyzmetin 1990 jyldyń sáýirinen Shymkent oblysy Abai AIIB qylmystyq izdestirý bólimshesiniń jedel ýákili bolyp bastaǵan.
1990 jyldyń sáýiri men 2005 jyldyń mamyry aralyǵynda ishki ister organdarynda ártúrli orta jáne aǵa basshylyq quram laýazymdarynda qyzmet atqarǵan.
2005 jyldyń mamyry men 2009 jyldyń aqpany aralyǵynda Ministrliktiń ortalyq apparatynda basshylyq laýazymdarda qyzmet etken.
2005 jyldyń mamyry men 2006 jyldyń aqpany aralyǵynda – Qazaqstan Respýblikasy IIM Zań basqarmasynyń bastyǵy; 2006 jyldyń aqpany men shildesi aralyǵynda – IIM Zań departamenti bastyǵynyń orynbasary; 2006 jyldyń shildesi men qazany aralyǵynda – IIM Kadr jumysy departamenti Jeke quram jónindegi inspektsiianyń bastyǵy; 2006 jyldyń qazany men 2008 jyldyń naýryzy aralyǵynda – Jambyl oblysy IID bastyǵynyń tárbie jáne kadr jumysy jónindegi orynbasary boldy.
2008 jyldyń qarashasy men 2009 jyldyń aqpany aralyǵynda – IIM Zań departamentiniń bastyǵy; 2009 jyldyń aqpany men 2016 jyldyń maýsymy aralyǵynda – Qazaqstan Respýblikasy Prezidenti Ákimshiliginiń inspektory, sektor meńgerýshisi, quqyq qorǵaý júiesi bólimi meńgerýshisiniń orynbasary laýazymynda qyzmet etti.
Al 2016 jyldyń maýsymy men 2019 jyldyń qańtary aralyǵynda – Qazaqstan Respýblikasy Prezidenti Ákimshiligi quqyq qorǵaý júiesi bóliminiń meńgerýshisi; 2019 jyldyń qańtarynan qazirgi ýaqytqa deiin – Qazaqstan Respýblikasy Ishki ister ministriniń orynbasary boldy.
