مەملەكەت باسشىسىنىڭ ٶكٸمٸمەن الەكسەي دميتريەۆيچ كالايچيدي قازاقستان رەسپۋبليكاسى پرەزيدەنتٸ ەكٸمشٸلٸگٸنٸڭ قاۋٸپسٸزدٸك جەنە قۇقىقتىق تەرتٸپ بٶلٸمٸنٸڭ مەڭگەرۋشٸسٸ لاۋازىمىنا تاعايىندالدى, دەپ حابارلايدى "ۇلت اقپارات" اقورداعا سٸلتەمە جاساپ.
ول قازاقستان رەسپۋبليكاسى ٸشكٸ ٸستەر مينيسترٸنٸڭ ورىنباسارى لاۋازىمىنان بوساتىلدى.
پوليتسييا گەنەرال-مايورى كالايچيدي الەكسەي دميتريەۆيچ 1963 جىلى 3 قاڭتاردا الماتى وبلىسى ەڭبەكشٸقازاق اۋدانىنىڭ ەسٸك اۋىلىندا دٷنيەگە كەلگەن.
بٸلٸمٸ – جوعارى. 1985 جىلى فرۋنزە پوليتەحنيكالىق ينستيتۋتىن «تاۋ-كەن ينجەنەرٸ» ماماندىعى بويىنشا, 1990 جىلى كسرو ٸٸم جوعارعى كۋرستارىن, 2008 جىلى ە. بۋكەتوۆ اتىنداعى قاراعاندى مەملەكەتتٸك ۋنيۆەرسيتەتٸن «زاڭتانۋ» ماماندىعى بويىنشا بٸتٸرگەن. قىزمەتتە جەتكەن جەتٸستٸكتەرٸ ٷشٸن ٸٸم باسشىلىعىمەن بٸرنەشە رەت كٶتەرمەلەنگەن, «قۇرمەت» (2012), «پاراسات» (2018) وردەندەرٸمەن جەنە 5 مەرەكەلٸك مەدالمەن ماراپاتتالعان.
ٸشكٸ ٸستەر ورگاندارىنداعى قىزمەتٸن 1990 جىلدىڭ سەۋٸرٸنەن شىمكەنت وبلىسى اباي اٸٸب قىلمىستىق ٸزدەستٸرۋ بٶلٸمشەسٸنٸڭ جەدەل ۋەكٸلٸ بولىپ باستاعان.
1990 جىلدىڭ سەۋٸرٸ مەن 2005 جىلدىڭ مامىرى ارالىعىندا ٸشكٸ ٸستەر ورگاندارىندا ەرتٷرلٸ ورتا جەنە اعا باسشىلىق قۇرام لاۋازىمدارىندا قىزمەت اتقارعان.
2005 جىلدىڭ مامىرى مەن 2009 جىلدىڭ اقپانى ارالىعىندا مينيسترلٸكتٸڭ ورتالىق اپپاراتىندا باسشىلىق لاۋازىمداردا قىزمەت ەتكەن.
2005 جىلدىڭ مامىرى مەن 2006 جىلدىڭ اقپانى ارالىعىندا – قازاقستان رەسپۋبليكاسى ٸٸم زاڭ باسقارماسىنىڭ باستىعى; 2006 جىلدىڭ اقپانى مەن شٸلدەسٸ ارالىعىندا – ٸٸم زاڭ دەپارتامەنتٸ باستىعىنىڭ ورىنباسارى; 2006 جىلدىڭ شٸلدەسٸ مەن قازانى ارالىعىندا – ٸٸم كادر جۇمىسى دەپارتامەنتٸ جەكە قۇرام جٶنٸندەگٸ ينسپەكتسييانىڭ باستىعى; 2006 جىلدىڭ قازانى مەن 2008 جىلدىڭ ناۋرىزى ارالىعىندا – جامبىل وبلىسى ٸٸد باستىعىنىڭ تەربيە جەنە كادر جۇمىسى جٶنٸندەگٸ ورىنباسارى بولدى.
2008 جىلدىڭ قاراشاسى مەن 2009 جىلدىڭ اقپانى ارالىعىندا – ٸٸم زاڭ دەپارتامەنتٸنٸڭ باستىعى; 2009 جىلدىڭ اقپانى مەن 2016 جىلدىڭ ماۋسىمى ارالىعىندا – قازاقستان رەسپۋبليكاسى پرەزيدەنتٸ ەكٸمشٸلٸگٸنٸڭ ينسپەكتورى, سەكتور مەڭگەرۋشٸسٸ, قۇقىق قورعاۋ جٷيەسٸ بٶلٸمٸ مەڭگەرۋشٸسٸنٸڭ ورىنباسارى لاۋازىمىندا قىزمەت ەتتٸ.
ال 2016 جىلدىڭ ماۋسىمى مەن 2019 جىلدىڭ قاڭتارى ارالىعىندا – قازاقستان رەسپۋبليكاسى پرەزيدەنتٸ ەكٸمشٸلٸگٸ قۇقىق قورعاۋ جٷيەسٸ بٶلٸمٸنٸڭ مەڭگەرۋشٸسٸ; 2019 جىلدىڭ قاڭتارىنان قازٸرگٸ ۋاقىتقا دەيٸن – قازاقستان رەسپۋبليكاسى ٸشكٸ ٸستەر مينيسترٸنٸڭ ورىنباسارى بولدى.
