Qazaqstannyń birinshi, álemniń 44-raketkasy Aleksandr Býblik Madrid masters týrniriniń úshinshi ainalymyna shyqty, dep habarlaidy "Ult aqparat".
Qazaqstandyq tennisshi ekinshi ainalymda álemniń 14-inshi, osy jarystyń 11-raketkasy, kanadalyq Denis Shapovalovpen sheberlik baiqasty.
Buǵan deiin qarsylastar ózara bir ret kezdesip, onda A.Býblik jeńiske jetken eken.
Birinshi partiiada A.Býblik basymdylyq tanytty – 6:4.
Ekinshi sette kanadalyq sportshy ese qaiyrdy – 7:5.
Úshinshi, sheshýshi sette esep 3:3 bolǵan mezette Býblik breik jasai aldy. Matchqa dop bergende, óz múmkindigin jibergen joq – 6:4.
Tartysty báseke 2 saǵat 20 minýtqa sozyldy.
Býblik júlde qory 2,6 mln eýrodan asatyn dodanyń shirek finalyna shyǵý úshin álemniń 9-raketkasy, argentinalyq Diego Shvartsman nemese reitingte 27-satyda turǵan reseilik Aslan Karatsevtiń bireýimen talasady.
