قازاقستاننىڭ بٸرٸنشٸ, ەلەمنٸڭ 44-راكەتكاسى الەكساندر بۋبليك مادريد ماستەرس تۋرنيرٸنٸڭ ٷشٸنشٸ اينالىمىنا شىقتى, دەپ حابارلايدى "ۇلت اقپارات".
قازاقستاندىق تەننيسشٸ ەكٸنشٸ اينالىمدا ەلەمنٸڭ 14-ٸنشٸ, وسى جارىستىڭ 11-راكەتكاسى, كانادالىق دەنيس شاپوۆالوۆپەن شەبەرلٸك بايقاستى.
بۇعان دەيٸن قارسىلاستار ٶزارا بٸر رەت كەزدەسٸپ, وندا ا.بۋبليك جەڭٸسكە جەتكەن ەكەن.
بٸرٸنشٸ پارتييادا ا.بۋبليك باسىمدىلىق تانىتتى – 6:4.
ەكٸنشٸ سەتتە كانادالىق سپورتشى ەسە قايىردى – 7:5.
ٷشٸنشٸ, شەشۋشٸ سەتتە ەسەپ 3:3 بولعان مەزەتتە بۋبليك برەيك جاساي الدى. ماتچقا دوپ بەرگەندە, ٶز مٷمكٸندٸگٸن جٸبەرگەن جوق – 6:4.
تارتىستى بەسەكە 2 ساعات 20 مينۋتقا سوزىلدى.
بۋبليك جٷلدە قورى 2,6 ملن ەۋرودان اساتىن دودانىڭ شيرەك فينالىنا شىعۋ ٷشٸن ەلەمنٸڭ 9-راكەتكاسى, ارگەنتينالىق ديەگو شۆارتسمان نەمەسە رەيتينگتە 27-ساتىدا تۇرعان رەسەيلٸك اسلان كاراتسەۆتٸڭ بٸرەۋٸمەن تالاسادى.
