Ulttyq bank 2023 jyldan bastap ekonomikany qoldaýdyń memlekettik baǵdarlamalarynan kezeń-kezeńimen shyǵady. Bul týraly Úkimettiń keńeitilgen otyrysynda Ulttyq bank basshysy Erbolat Dosaev málim etti, dep habarlaidy QazAqparat.
«2021 jyly Ulttyq banktiń 2023 jyldan bastap ekonomikany qoldaýdyń memlekettik baǵdarlamalarynan kezeń-kezeńimen shyǵýyn eskere otyryp, ekonomikany kreditteýdiń naryqtyq qaǵidattaryn damytý úshin qajetti jaǵdailar jasalatyn bolady», - dedi Dosaev.
UB málimetinshe, ekonomikaǵa kreditter 2020 jyly uzaq merzimdi kreditterdiń ósýi nátijesinde 14,6 trln teńgege deiin 5,5 paiyzǵa ulǵaidy.
Aqsha-kredit talaptarynyń jeńildeýine qarai jáne ekonomikany qoldaý baǵdarlamalary esebinen ekonomikanyń naqty sektoryna kredittik resýrstardyń quny 11,4 paiyzǵa deiin tómendep keledi.
«Kásiporyndarǵa kreditter bir jyl ishinde 1,5 paiyzǵa azaiǵanmen, shaǵyn bizneske kreditter 19,3 paiyzǵa nemese 406,4 mlrd teńgege artty. Halyqqa kreditter ipotekalyq kreditter portfeliniń 34,3 paiyzǵa nemese 606 mlrd teńgege ulǵaiýy esebinen 13,0 paiyzǵa ósti», - dedi Ulttyq bank tóraǵasy.
