© Sputnik / Evgenii Biiatov
Sinoptikter 25-27 sáýirde aýa raiy qandai bolatyny týraly boljam jasady, - dep habarlaidy "Ult aqparat".
Qazgidromet málimetinshe, aldaǵy táýlikterde atmosferalyq bólikterdiń ótýimen respýblikanyń batysynda, ońtústiginde, soltústik oblystarynda jańbyr jaýady. Ońtústik-shyǵysta, shyǵysta túnde jaýyn-shashyn bolady. Eldiń qalǵan bóligi batys antitsiklonynyń yqpalynda bolyp, jaýyn-shashynsyz aýa raiy kútiledi.
"Respýblika boiynsha tuman kútiledi. Batysta jáne ońtústik oblystarda jel kúsheiip, kún kúrkirep shańdy daýyl turady. Shyǵysta túnde kóktaiǵaq, kúndiz ońtústik-shyǵysta burshaq jaýýy múmkin. Kúndiz aýa temperatýrasy batys óńirlerde 23-30-ǵa deiin, soltústik-batysta, soltústikte jáne eldiń ortalyǵynda 20-27-ge deiin, shyǵysta 15-23-ke deiin, ońtústikte 25-33-ke deiin, ońtústik-shyǵysta 17-25-ke deiin jylynady", - delingen habarlamada.
