«Qazgidromet» RMK 21-23 qarasha kúnderine aýa raiy boljamyn usyndy, dep habarlaidy "Ult aqparat".
«Qazaqstanǵa Karsk teńizinen kelgen sýyq aýa massalary respýblikanyń soltústik, ortalyq jáne shyǵys oblystarynda kúnniń sýytýyna sebepshi boldy. Túngi aýa temperatýrasy -28...-32 gradýsqa deiin tómendese, kúndiz -18…-23° gradýs aiaz boldy. Bul ortasha kópjyldyq mánnen 8…13°S-qa tómen.
Endi Arktikalyq sýyq aýa aǵyndary ońtústik baǵytqa qarai yǵysady. Soǵan bailanysty kei jerlerde qar jaýyp, burqasyn bolady. Soltústik-shyǵystan ekpindi jel soǵyp, Qazaqstannyń ońtústik jáne ońtústik-shyǵysynda aýa temperatýrasy tómendeidi», - delingen habarlamada.
Al, 22-23 qarashada soltústik oblystarda Batys Sibirdiń soltústiginen keletin kezekti tsiklonǵa bailanysty aiazdyń beti qaitady.
