Qazgidromet sinoptikteri 30 qarasha men 1-2 jeltoqsanǵa arnalǵan aýa raiy boljamyn jariialady, - dep habarlaidy "Ult aqparat".
Boljamǵa sáikes, sýyq antitsiklon Qazaqstan aýmaǵynan birte-birte yǵysady.
"Onyń ornyna Qara teńiz aýdandarynan jyly batys tsiklony keledi, soǵan orai jaýyn-shashyn, jaiaý burqasyn, kóktaiǵaq kútiledi, sondai-aq, aýa temperatýrasy birtindep joǵarylaidy: kúndiz Qazaqstannyń soltústik jartysynda 0-5 gradýsqa deiin jyly, ońtústikte 10-15 gradýsqa deiin jyly, Túrkistan oblysynda 20 jyly gradýsqa deiin jyly bolady", - delingen habarlamada.
2 jeltoqsanda elimizdiń batys óńirlerine antitsiklon aýysady, sondyqtan temperatýra azdap tómendeidi: túnde 5 gradýsqa deiin, kúndiz 3 gradýsqa deiin aiaz, Mańǵystaý oblysynda 10 gradýs jyly bolady. Elimizdiń soltústik-shyǵysy men ońtústik óńirlerinde jaýyn-shashynsyz aýa raiy kútiledi.
