قازگيدرومەت سينوپتيكتەرٸ 30 قاراشا مەن 1-2 جەلتوقسانعا ارنالعان اۋا رايى بولجامىن جارييالادى, - دەپ حابارلايدى "ۇلت اقپارات".
بولجامعا سەيكەس, سۋىق انتيتسيكلون قازاقستان اۋماعىنان بٸرتە-بٸرتە ىعىسادى.
"ونىڭ ورنىنا قارا تەڭٸز اۋداندارىنان جىلى باتىس تسيكلونى كەلەدٸ, سوعان وراي جاۋىن-شاشىن, جاياۋ بۇرقاسىن, كٶكتايعاق كٷتٸلەدٸ, سونداي-اق, اۋا تەمپەراتۋراسى بٸرتٸندەپ جوعارىلايدى: كٷندٸز قازاقستاننىڭ سولتٷستٸك جارتىسىندا 0-5 گرادۋسقا دەيٸن جىلى, وڭتٷستٸكتە 10-15 گرادۋسقا دەيٸن جىلى, تٷركٸستان وبلىسىندا 20 جىلى گرادۋسقا دەيٸن جىلى بولادى", - دەلٸنگەن حابارلامادا.
2 جەلتوقساندا ەلٸمٸزدٸڭ باتىس ٶڭٸرلەرٸنە انتيتسيكلون اۋىسادى, سوندىقتان تەمپەراتۋرا ازداپ تٶمەندەيدٸ: تٷندە 5 گرادۋسقا دەيٸن, كٷندٸز 3 گرادۋسقا دەيٸن اياز, ماڭعىستاۋ وبلىسىندا 10 گرادۋس جىلى بولادى. ەلٸمٸزدٸڭ سولتٷستٸك-شىعىسى مەن وڭتٷستٸك ٶڭٸرلەرٸندە جاۋىن-شاشىنسىز اۋا رايى كٷتٸلەدٸ.
