Foto: uralskweek.kz
Qazgidromet sinoptikteri 2-4 aqpanǵa arnalǵan aýa raiy boljamyn usyndy, - dep habarlaidy "Ult aqparat".
Meteorologtar málimetinshe, respýblikanyń soltústik jartysy joǵary qysymdy óris yqpalynda bolady, aiazdy, jelsiz jáne jaýyn-shashynsyz ashyq aýa raiy saqtalady. Qazaqstannyń qalǵan aýmaǵynda atmosferalyq frontal bólikter áserinen jaýyn-shashyn kútiledi: respýblikanyń batysynda, shyǵysta qar jaýady, respýblikanyń ońtústik jartysynda jaýyn-shashyn boljanady (jańbyr, burqasyn).
"Ońtústik oblystarda aýa temperatýrasy kúndiz 7-12 gradýsqa deiin kóteriledi. Respýblikanyń soltústigi men ońtústiginde tuman túsip, ońtústikte jel kúsheiedi", - delingen habarlamada.
