Sinoptikter aldaǵy 13-15 sáýir kúnderine arnalǵan aýa raiy boljamyn jariialady, dep habarlaidy "Ult aqparat" Qazgidrometke silteme jasap.
Respýblikamyzdyń soltústigine bir aptaǵa jýyq jaýyn-shashynsyz jáne jyly aýa raiyn ala kelgen antitsiklon álsireidi. Onyń ornyna Oral aimaǵynan sýyq arktikalyq fronttar keledi. Soǵan bailanysty jaýyn-shashyn, jylbysqy qar jaýyp, aýa temperatýrasy tómendeidi.
Demalys kúnderi ońtústik, ońtústik-shyǵys jáne shyǵys aimaqtarda qysqa ýaqyt jaýyn-shashynsyz, jyly aýa raiy kútiledi. Biraq dúisenbi kúni bul aimaqtarda da ótkinshi jańbyr jaýyp, naizaǵai jarqyldaidy. Ekpindi jel soǵady.
