Bul suraqqa «Financial Times» gazetiniń sholýshysy Devid Sheppard jaýap berdi. Goldman Sachs investitsiialyq banki munai eksporttaýshy elder uiymyndaǵy (MEEU) baǵaǵa Saýd Arabiiasynyń sheshimi áser etkenin aitty. Bul istiń basty maqsaty – qara altynnyń baǵasyn kóterý.
Munai jańa jyldan beri 11%-ǵa qymbattaǵan.
Osy aptada Saýd Arabiiasynyń energetika ministri Halid Falih Koroldik munai óndirýdi naýryz aiynda, shamamen, 9,8 mln barrelge deiin qysqartatynyn málimdedi. Bul Resei men munai eksporttaýshy elder uiymy jasaǵan qarasha aiyndaǵy kelisimnen 1 mln barrelge az. Sondai-aq Koroldik 2011 jyldan beri munai eksportyn eń tómengi deńgeige deiin qysqartqan.
Goldman Sachs analitikteri munai baǵasy kelesi kvartalda kóbeietinin aitty. Biraq, bul tek Er-Riiad saiasatyna ǵana bailanysty emes. Qara altyn baǵasynyń ózgerýi álemdegi kóp jaǵdaiattarǵa áser etýde. Venesýelaǵa qatysty sanktsiia, irandyq munai eksport kóleminiń kúrt qysqarýyna alyp kelgen Vashingtonda qabyldanǵan sheshim, aita berseń kóp.
Alaida, búginde barreldiń dollarǵa shaqqandaǵy baǵasy - 60 dollar. Ótken jylǵy kórsetkish 86 dollar bolatyn. Dál qazir 2018 jylǵy baǵanyń aýyly alys deidi sholýshy. Nordea ekonomisteri qysqy ýaqytta energetikalyq resýrstarǵa degen qajettilik munaiǵa degen suranysty arttyrady deidi. Biraq, jaqyn ýaqytta munai baǵasy kúnine barrelge shaqqanda 60-62 dollardan kóterile qoiýy ekitalai.
Munyń basty sebebi – AQSh-ta óndirilip jatqan munai kólemniń kóbeiýi. Ótken jyly qara altynnyń kóp óndirilýine bailanysty onyń baǵasy quldyraǵan bolatyn. Amerikalyq energetikalyq aqparat basqarmasy osy aptada 2019 jyly kúndelikti óndiriletin munai 12,4 mln barrelge deiin ósedi dep boljam jasady. Bul 2018 jylmen salystyrǵanda 1,45 mln barrelge kóp.
Sonymen qatar bul osydan úsh ai buryn boljanǵan baǵadan 350 myń barrelge artyq. Bir jyl buryn amerikalyq uiym 2019 jyly munai óndirý kúnine bar bolǵany 590 myń barrel bolady dep eseptegen edi.
Goldman Sachs banki amerikalyq munaidyń álemniń kóptegen eline eksporttalatynyn, sondai-aq baǵasy ósýi múmkin ekenin aitty.
Shynádil Saltanat
