بۇل سۇراققا «Financial Times» گازەتٸنٸڭ شولۋشىسى دەۆيد شەپپارد جاۋاپ بەردٸ. Goldman Sachs ينۆەستيتسييالىق بانكٸ مۇناي ەكسپورتتاۋشى ەلدەر ۇيىمىنداعى (مەەۇ) باعاعا ساۋد ارابيياسىنىڭ شەشٸمٸ ەسەر ەتكەنٸن ايتتى. بۇل ٸستٸڭ باستى ماقساتى – قارا التىننىڭ باعاسىن كٶتەرۋ.
مۇناي جاڭا جىلدان بەرٸ 11%-عا قىمباتتاعان.
وسى اپتادا ساۋد ارابيياسىنىڭ ەنەرگەتيكا مينيسترٸ حاليد فاليح كورولدٸك مۇناي ٶندٸرۋدٸ ناۋرىز ايىندا, شامامەن, 9,8 ملن باررەلگە دەيٸن قىسقارتاتىنىن مەلٸمدەدٸ. بۇل رەسەي مەن مۇناي ەكسپورتتاۋشى ەلدەر ۇيىمى جاساعان قاراشا ايىنداعى كەلٸسٸمنەن 1 ملن باررەلگە از. سونداي-اق كورولدٸك 2011 جىلدان بەرٸ مۇناي ەكسپورتىن ەڭ تٶمەنگٸ دەڭگەيگە دەيٸن قىسقارتقان.
Goldman Sachs اناليتيكتەرٸ مۇناي باعاسى كەلەسٸ كۆارتالدا كٶبەيەتٸنٸن ايتتى. بٸراق, بۇل تەك ەر-ريياد ساياساتىنا عانا بايلانىستى ەمەس. قارا التىن باعاسىنىڭ ٶزگەرۋٸ ەلەمدەگٸ كٶپ جاعداياتتارعا ەسەر ەتۋدە. ۆەنەسۋەلاعا قاتىستى سانكتسييا, يراندىق مۇناي ەكسپورت كٶلەمٸنٸڭ كٷرت قىسقارۋىنا الىپ كەلگەن ۆاشينگتوندا قابىلدانعان شەشٸم, ايتا بەرسەڭ كٶپ.
الايدا, بٷگٸندە باررەلدٸڭ دوللارعا شاققانداعى باعاسى - 60 دوللار. ٶتكەن جىلعى كٶرسەتكٸش 86 دوللار بولاتىن. دەل قازٸر 2018 جىلعى باعانىڭ اۋىلى الىس دەيدٸ شولۋشى. Nordea ەكونوميستەرٸ قىسقى ۋاقىتتا ەنەرگەتيكالىق رەسۋرستارعا دەگەن قاجەتتٸلٸك مۇنايعا دەگەن سۇرانىستى ارتتىرادى دەيدٸ. بٸراق, جاقىن ۋاقىتتا مۇناي باعاسى كٷنٸنە باررەلگە شاققاندا 60-62 دوللاردان كٶتەرٸلە قويۋى ەكٸتالاي.
مۇنىڭ باستى سەبەبٸ – اقش-تا ٶندٸرٸلٸپ جاتقان مۇناي كٶلەمنٸڭ كٶبەيۋٸ. ٶتكەن جىلى قارا التىننىڭ كٶپ ٶندٸرٸلۋٸنە بايلانىستى ونىڭ باعاسى قۇلدىراعان بولاتىن. امەريكالىق ەنەرگەتيكالىق اقپارات باسقارماسى وسى اپتادا 2019 جىلى كٷندەلٸكتٸ ٶندٸرٸلەتٸن مۇناي 12,4 ملن باررەلگە دەيٸن ٶسەدٸ دەپ بولجام جاسادى. بۇل 2018 جىلمەن سالىستىرعاندا 1,45 ملن باررەلگە كٶپ.
سونىمەن قاتار بۇل وسىدان ٷش اي بۇرىن بولجانعان باعادان 350 مىڭ باررەلگە ارتىق. بٸر جىل بۇرىن امەريكالىق ۇيىم 2019 جىلى مۇناي ٶندٸرۋ كٷنٸنە بار بولعانى 590 مىڭ باررەل بولادى دەپ ەسەپتەگەن ەدٸ.
Goldman Sachs بانكٸ امەريكالىق مۇنايدىڭ ەلەمنٸڭ كٶپتەگەن ەلٸنە ەكسپورتتالاتىنىن, سونداي-اق باعاسى ٶسۋٸ مٷمكٸن ەكەنٸن ايتتى.
شىنەدٸل سالتانات
