Sinoptikter 19-21 qarashaǵa arnalǵan aýa raiy boljamyn jariia etti, – dep habarlaidy Qazgidromet.
«Soltústik muzdy muhittaǵy Kar teńiziniń arktikalyq aýa massalarynda antitsiklon qalyptasyp, ońtústik-batys baǵytynda jyljyp, 21 qarashada Reseidiń Eýropalyq territoriiasynyń ortalyǵyna jetedi. Antitsiklonnyń shyǵys periferiiasy boiynsha Qazaqstanǵa batys sibir arqyly arktikalyq teńizden óte sýyq aýa massasy kelip, respýblikanyń basym aimaqtarynda aitarlyqtai kún sýytady» delingen habarlamada.
Sonymen qatar, elimizdiń soltústik, ortalyq jáne shyǵys oblystarynda aýa temperatýrasynyń -28…-33° aiazǵa deiin tómendeýi boljanady, sondai-aq kei jerlerde qar, burqasyn, qatty jel bolýy yqtimal. Batys, ońtústik jáne ońtústik-shyǵys oblystardyń kei jerlerinde qar, kóktaiǵaq, tuman boljanady. Bul jerlerde sondai-aq, túnde - 7…15°S-qa deiin, ońtústikte minýs -3…8°S-qa deiin sýytady.
