Foto:elements.envato.com
Sinoptikter 28-30 qyrkúiekke arnalǵan aýa raiy boljamyn usyndy, - dep habarlaidy "Ult aqparat".
Meteorologtar málimetinshe, aldaǵy kúnderi respýblikanyń basym bóliginde aýa raiy turaqsyz bolady, naizaǵai oinap, jel soǵyp, jańbyr jaýady. Soltústik-batys antitsiklony áserinen Qazaqstannyń batysynda ǵana jaýyn-shashynsyz aýa raiy saqtalady. Túnde, tańerteń Qazaqstannyń soltústik jartysynda, respýblikanyń ońtústik jáne ońtústik-shyǵysyndaǵy taýly aýdandarda tuman kútiledi.
"Eldiń shyǵysynda 28-29 qyrkúiekte túngi ýaqytta 1-3 gradýsqa deiin aiaz saqtalady. Aýa temperatýrasynda aitarlyqtai ózgerister kútilmeidi, tek respýblikanyń ońtústiginde, ońtústik-shyǵysynda aýa temperatýrasy kúndiz 17-23 gradýsqa deiin, taýly aýdandarda 8-13 gradýs jyly temperatýraǵa deiin birtindep tómendeidi", - delingen habarlamada.
