Foto: © RIA Novosti, Dmitrii Makeev
Sinoptikter 30 naýryz - 1 sáýirde aýa raiy qandai bolatyny týraly boljam jasady, - dep habarlaidy "Ult aqparat".
Boljam boiynsha, respýblikanyń basym bóligine ońtústik tsiklon yqpal etedi, osyǵan bailanysty turaqsyz aýa raiy saqtalady, jańbyr jaýady, elimizdiń soltústik jartysynda jańbyr, qar jaýady. 31 naýryz – 1 sáýirde batysta, 30-31 naýryzda shyǵys pen ońtústikte, 30 naýryz – 1 sáýirde respýblikanyń ońtústik-shyǵysynda qatty jaýyn-shashyn, jańbyr men qar túrindegi qatty jaýyn-shashyn kútiledi.
"31 naýryzdan bastap soltústik-batys antitsiklonnyń kirýine bailanysty eldiń soltústik jartysynda jaýyn-shashyn toqtap, respýblikanyń basym bóliginde aýa temperatýrasy tómendeidi. Batysta aýa temperatýrasynyń túnde 2-7 gradýsqa deiin, kúndiz 7-15 gradýsqa deiin tómendeýi, respýblikanyń soltústiginde, soltústik-batysynda jáne ortalyǵynda temperatýra fonynyń túnde 7-13 gradýs aiazǵa deiin tómendeýi, kúndiz 2 gradýs aiazǵa deiin, shyǵysta túnde 10-22 gradýs aiaz kútiledi, ońtústik oblystarda túnde 0-5 gradýs jyly, kúndiz 3-13 gradýs jyly", - delingen habarlamada.
