Foto: globallookpress.com
Sinoptikter Qazaqstannyń 2022 jyldyń 31 jeltoqsany men 2023 jyldyń 1, 2 qańtaryna arnalǵan aýa raiy boljamyn usyndy, - dep habarlaidy "Ult aqparat".
Boljamǵa sáikes, Qazaqstannyń aýa raiy Atlantikalyq tsiklon jáne onymen bailanysty atmosferalyq fronttarǵa bailanysty bolady, elimizdiń soltústik-batysynda, soltústiginde, ortalyǵynda jáne shyǵysynda qar jaýady, burqasyn, ekpindi jel soǵady, respýblikanyń batysynda, ońtústiginde, ońtústik-shyǵysynda jaýyn-shashyn jańbyr men qar túrinde, tuman, kóktaiǵaq kútiledi.
"1 qańtarda elimizdiń ońtústik-shyǵysynda qatty jaýyn-shashyn (jańbyr, qar) kútiledi. Aýa temperatýrasy túnde batysta 1-6 gradýs aiazdan 3 gradýs aiaz-2 gradýs jylyǵa deiin joǵarylaidy, QR soltústiginde, ortalyǵynda, shyǵysynda 5-20 gradýs aiazdan 10-25 gradýs aiazǵa deiin azdap tómendeidi, ońtústikte, ońtústik-shyǵysta 0-10 gradýs aiazdan 3-15 gradýs aiazǵa deiin birtindep tómendeýi boljanady", - delingen habarlamady.
