Qazgidromet 13-15 jeltoqsanǵa arnalǵan aýa raiy boljamyn usyndy, - dep habarlaidy "Ult aqparat".
Sinoptikter boljamyna sáikes, aldaǵy úsh táýlikte Qazaqstan aýmaǵy áli de antitsiklon yqpalynda bolady, negizinen jaýyn-shashynsyz aýa raiy kútiledi, tek respýblikanyń batysynda, shyǵysynda, soltústik-shyǵysynda atmosferalyq frontal bólikterge bailanysty qar, burqasyn kútiledi. Elimizdiń ońtústigi men batysynda jeldiń jyldamdyǵy 15-20 m/s kúsheiedi dep boljanady.
"Aýa temperatýrasy elimizdiń soltústiginde túnde 23-31 gradýsqa deiin aiaz, kúndiz 15-28 gradýsqa deiin aiaz, ortalyqta túnde 18-33 gradýsqa deiin, kúndiz 13-23 gradýsqa deiin aiaz, shyǵysta túnde 25-34 gradýsqa deiin aiaz, kúndiz 20-30 gradýsqa deiin aiaz, al elimizdiń batysynda túnde 0-8 gradýsqa deiin aiaz, kúndiz 5 gradýs aiaz - 5 gradýs jylyǵa deiin tómendeidi, Qazaqstannyń ońtústigi men ońtústik-shyǵysynda kúrt ózgerister kútilmeidi, túngi aýa temperatýrasy 2-15 gradýs aiaz bolady, kúndiz 7 gradýs aiaz - 3 jylyǵa deiin azdaǵan joǵarylaidy", - delingen habarlamada.
