Qazgidromet 26-28 qarashaǵa arnalǵan aýa raiy boljamyn usyndy, - dep habarlaidy "Ult aqparat".
Meteorologtar málimetinshe, demalys kúnderi Qazaqstan aýmaǵynyń basym bóligine sýyq arktikalyq aýasyn ilestirgen soltústik antitsiklon áser etedi, soǵan bailanysty respýblikanyń soltústik-batysynda, soltústiginde, ortalyǵy men shyǵysynda aýa temperatýrasy tómendeidi jáne jaýyn-shashyn toqtaidy dep kútiledi.
Atmosferalyq fronttarǵa bailanysty 26 qarashada shyǵysta, 26-28 qarashada respýblikanyń ońtústiginde jáne ońtústik-shyǵysynda turaqsyz aýa raiy kútiledi, qar túrindegi jaýyn-shashyn bolady, 26 qarashada shyǵysta, 26-27 qarashada ońtústik-shyǵysta – qalyń qar jaýady.
"Respýblikanyń shyǵysynda, ońtústiginde jáne ońtústik-shyǵysynda tuman kútiledi, jel sekýndyna 15-28 metr kúsheiedi, shyǵysta burqasyn, ońtústikte jáne ońtústik-shyǵysta kóktaiǵaq bolady. Túnde aýa temperatýrasy tómendeidi: batysta 5-15 gradýs aiaz, 26-27 qarashada soltústik-batysta 20-30 gradýs aiazǵa deiin, soltústikte 23-36 gradýs aiazǵa deiin, ortalyqta 17-34 gradýs aiazǵa deiin, 27-28 qarashada shyǵysta 27-38 gradýs aiazǵa deiin, 27-28 qarashada ońtústikte, ońtústik-shyǵysta 5-15 gradýsqa deiin, taýly jerlerde 15-20 gradýs aiazǵa deiin", - delingen habarlamada.
