9 jáne 10 qazanda elordadaǵy «Han Shatyr» SOO janyndaǵy alańda Pavlodar oblysy taýar óndirýshileriniń qatysýymen kezekti aýyl sharýashylyǵy jármeńkesi ótedi, dep habarlaidy "Ult aqparat" qala ákimdiginiń resmi saityna silteme jasap.
Aýyl sharýashylyǵy jármeńkesine Pavlodar, Aqsý, Ekibastuz qalalarynyń, oblystyń aýyldyq jerleriniń taýar óndirýshileri, sondai-aq Nur-Sultan qalasynyń kásipkerleri qatysady.
Atalǵan óńir elordaǵa 200 mln teńgeden astam somaǵa 520 tonna ónim, onyń ishinde et, et-sút, bakaleia ónimderi, kartop, kókónis ákeledi.
Pavlodarlyq kásiporyndar Nur-Sultan turǵyndaryna óndirýshiler baǵasy boiynsha azyq-túliktiń keńeitilgen assortimentin usynady.
Kartop, qyryqqabat, sábiz – «Aqtoǵai Agro» JShS, «Timýr», «Andas», «Maiak», «Zaria» sharýa qojalyqtary, et - «Galitskoe» JShS, «Pobeda» JShS, «Tabys» ShQ, «Lýgansk» ÓK, «Aqjar-Óndiris»JShS.
Brendteri respýblika boiynsha jáne odan tys jerlerde tanymal «Rýbikom» JShS, «KEMMI» JShS, «Sút» AQ, «MolKom Pavlodar» JShS, «Krendel»JShS kásiporyndary óz ónimderin usynady.
Jármeńke sanitarlyq normalar men karantin talaptaryn saqtai otyryp ótkiziledi.
Esterińizge sala keteiik, elordada osy jyly áleýmettik mańyzy bar azyq-túlik ónimderiniń baǵasyn turaqtandyrý maqsatynda kókónister men jemisterdiń pisý merzimin eskere otyryp, 14 jármeńke ótkizý josparlanǵan. Aýyl sharýashylyǵy óńirlik jármeńkeleriniń maýsymy Nur-Sultanda 31 qazanǵa deiin jalǵasady. 21 tamyzdan bastap elordadaǵy jármeńkelerde Túrkistan, Batys Qazaqstan, Shyǵys Qazaqstan, Qyzylorda, Almaty, Atyraý, Jambyl, Aqtóbe jáne Qaraǵandy oblystarynyń aýylsharýashylyq taýar óndirýshileri óz ónimderin usyndy.
