Almaty politsiiasy alaiaqtyq árekettermen ainalysqan akterdi ustady. Bul týraly qalalyq Politsiia departamentiniń baspasóz qyzmeti habarlady.
Politsiianyń aitýynsha, 21 jastaǵy jigit buryn da isti bolǵan.
«Politsiiaǵa jasópirimderdiń, mektep oqýshylarynyń ata-analary shaǵymdana bastady. Bir jaǵdaida ol video júktep alamyn degen jeleýmen 15 jastaǵy oqýshydan noýtbýk alyp shyǵýyn suraǵan. Osylaisha balany aldap dúkenge kirip ketip, arǵy esiginen shyǵyp ketken. Noýtbýkty 15 myń teńgege satyp jibergen. Bir jaǵdaida qyz balanyń telefonyn aldap alyp ketken», - dedi Áýezov aýdandyq politsiia basqarmasynyń bólimi basshysy Didar Ahanov.
Qazir atalǵan derekke bailanysty QR QK 190-babynyń 2-bólimi, 2-tarmaǵymen qylmystyq is qozǵaldy.
«Osyndai quqyqbuzýshylyqtan japa shekken azamattar bolsa, 298-53-70; 298-53-71, 298-53-72 telefondaryna habarlasýyn suraimyz.
Aita ketý kerek, bul jigit buryn eki ret dramalyq kinolarda oinaǵan akter bolyp shyqty», - dedi Didar Ahanov.
