الماتى پوليتسيياسى الاياقتىق ەرەكەتتەرمەن اينالىسقان اكتەردٸ ۇستادى. بۇل تۋرالى قالالىق پوليتسييا دەپارتامەنتٸنٸڭ باسپاسٶز قىزمەتٸ حابارلادى.
پوليتسييانىڭ ايتۋىنشا, 21 جاستاعى جٸگٸت بۇرىن دا ٸستٸ بولعان.
«پوليتسيياعا جاسٶپٸرٸمدەردٸڭ, مەكتەپ وقۋشىلارىنىڭ اتا-انالارى شاعىمدانا باستادى. بٸر جاعدايدا ول ۆيدەو جٷكتەپ الامىن دەگەن جەلەۋمەن 15 جاستاعى وقۋشىدان نوۋتبۋك الىپ شىعۋىن سۇراعان. وسىلايشا بالانى الداپ دٷكەنگە كٸرٸپ كەتٸپ, ارعى ەسٸگٸنەن شىعىپ كەتكەن. نوۋتبۋكتى 15 مىڭ تەڭگەگە ساتىپ جٸبەرگەن. بٸر جاعدايدا قىز بالانىڭ تەلەفونىن الداپ الىپ كەتكەن», - دەدٸ ەۋەزوۆ اۋداندىق پوليتسييا باسقارماسىنىڭ بٶلٸمٸ باسشىسى ديدار احانوۆ.
قازٸر اتالعان دەرەككە بايلانىستى قر قك 190-بابىنىڭ 2-بٶلٸمٸ, 2-تارماعىمەن قىلمىستىق ٸس قوزعالدى.
«وسىنداي قۇقىقبۇزۋشىلىقتان جاپا شەككەن ازاماتتار بولسا, 298-53-70; 298-53-71, 298-53-72 تەلەفوندارىنا حابارلاسۋىن سۇرايمىز.
ايتا كەتۋ كەرەك, بۇل جٸگٸت بۇرىن ەكٸ رەت درامالىق كينولاردا ويناعان اكتەر بولىپ شىقتى», - دەدٸ ديدار احانوۆ.
