Alaiaqtyq jasaǵan kúdikti Latviiadan ekstraditsiialandy, dep habarlaidy "Ult aqparat" Bas prokýratýranyń baspasóz qyzmetine silteme jasap.
"Búgin QR Syrtqy ister ministrliginiń qoldaýymen Bas prokýratýra jáne IIM Interpol qyzmetkerlerimen alaiaqtyq jasaǵan Qazaqstan azamaty qylmystyq jaýaptylyqqa tartý úshin Latviia Respýblikasynan ekstraditsiialandy" - delingen vedomstvo habarlamasynda.
Kúdikti 2016 jyly adamdar tobymen birlesip, jábirlenýshige ózderine tiesili emes páterdi satqan. Sóitip, satyp alýshyǵa 12 mln. teńge kóleminde zalal keltirgen.
Atalǵan azamata qylmys jasaǵannan keiin jasyrynyp, halyqaralyq izdeýge jariialanǵan.
"Keiinnen ol Latviia aýmaǵynda ustaldy.
Qazirgi tańda kúdikti Astananyń tergeý izoliatoryna qamaldy" - delingen habarlamada.
Aita keteiik, atalǵan qylmysty jasaǵany úshin múlkin tárkileýmen 5 jyldan 10 jylǵa deiingi merzimge bas bostandyǵynan aiyrý jazasy qarastyrylǵan.
