Alaiaqtyq úshin sottalǵan azamat Ýkrainadan Qazaqstanǵa ekstraditsiialandy, dep habarlaidy "Ult aqparat" Bas prokýratýranyń baspasóz qyzmetine silteme jasap.
"Ýkrainanyń Ádilet ministrligi Qazaqstan sotynyń úkimin oryndaýdan jaltarǵan azamat M.-dy Qazaqstan Respýblikasyna berý týraly sheshim qabyldady.
Sot atalǵan azamatty 2017 jyly asa iri mólsherde alaiaqtyq jasaǵany úshin kináli dep tanyp, shartty merzimge sottady.
2019 jyly azamat M. sottyń ózine júktegen shekteýlerin buzyp, jazasyn óteýden jaltarý maqsatynda jasyrynyp, izdeýge jariialandy" - delingen habarlamada.
Vedomstvo málimetinshe, ony biyl tamyz aiynda Ýkraina aýmaǵynda osy eldiń quqyq qorǵaý organdary ustaǵan.
"Búgin Qazaqstan Respýblikasynyń Ýkrainadaǵy, Moldovadaǵy jáne Túrkiiadaǵy Elshilikteriniń qoldaýymen Qazaqstan Bas prokýratýrasy men Interpol qyzmetkerleri atalǵan azamatty bizdiń elge ekstraditsiialady.
Qazirgi ýaqytta ol Astana qalasynyń tergeý izoliatoryna qamaldy" - delingen habarlamada.
