Elimizde tanymal tulǵalardyń atynan áreket jasaǵan alaiaqtarǵa aldanǵan azamattardyń sany artqan. Bul jóninde «Memlekettik tehnikalyq qyzmet» RMK baspasóz qyzmeti habarlady.
Alaiaqtar tanymal tulǵanyń sýreti men onyń derekterin paidalanyp, Telegram messendjerinde jalǵan akkaýnttar jasaidy. Bul jalǵan akkaýnttar olardyń atynan qarjylai kómek kórsetý ótinishimen habarlama jiberedi.
«Máselen, Beibit Álibekovtiń jalǵan profilin alaiaq Alibekov KZ dep kórsetken jáne jaqyn týysynyń aýrýhanaǵa jatqyzylǵany men meditsinalyq uiymnyń qyzmetterine shuǵyl aqy tóleý qajettigin, al kartasynda aqsha joqtyǵyn meńzep, bank kartasyna aqsha aýdarýdy suraǵan.Ol qaryzǵa alynǵan qarjyny bir saǵattyń ishinde qaitarýǵa ýáde beredi, óitkeni alaiaqtardyń ertegisi boiynsha «onyń búkil qolma-qol aqshasy úide» dep málim etti kásiporyn.
Beibit Álibekov pen Nursultan Maǵzumov áleýmettik jelidegi ózderiniń paraqshasynda oqyrmandaryna bul aqparat jalǵan ekenin jáne olardyń atynan alaiaqtar áreket etetinin habarlady.
Sondai-aq, alaiaqtar tanymal bloger Álisher Elikbaevtyń atyn joǵaryda atalǵan shema boiynsha ǵana emes, jazylýshylardyń sanyn arttyrý úshin áleýmettik jelidegi profiline jazylatyndardyń nazaryn tartý maqsatynda utys oiynyn júrgizýge paidalanǵan.
Álisher Elikbaev Telegram messenjerindegi resmi arnasynda jazylýshylaryna bul givterdi uiymdastyrmaǵanyn habarlap, óziniń atynan alaiaqtar áreket etetinin eskertti.
Alynǵan barlyq aqparat dereý Ishki ister ministrligine jiberildi.
KZ-CERT qyzmeti alaiaqtarǵa jem bolmas úshin tómende kórsetilgen saqtyq sharalaryn saqtaýdy usynady:
1. Qarjylyq kómekti suratyp otyrǵan akkaýnttyń resmi bolýyn tekserý, al mediialyq tulǵalarǵa qatysty jaǵdailarda akkaýnttyń verifikatsiiadan ótkenine (nikneimnin oń jaǵynda kók qanatsha) nazar aýdaryńyz;
2. Habarlamalardy jiberýshiniń profilin, paidalanýshynyń esimin jáne telefon nómirin tekserý. Profildegi sýretti jańartý kezeńine nazar aýdarý, sýret jaqynda júktelgen bolsa, oilandyratyn sebep bar;
3. Banktiń kartasyna aqsha aýdarýdy júzege asyrý aldynda alýshynyń derekterin óte muqiiat tekserý, kartanyń nómiri boiynsha bankti anyqtaý servisterin paidalaný;
4. Myna derekterdi qupiia ustańyz: banktiń SMS jáne PUSH-habarlamalarynyń kodtaryn, banktik kartanyń PIN-kodyn, baqylaý suraqtardy, banktik kartanyń derekterin, jaramdylyq merzimi men úshsandy kodty (CVC). Óz derbes derekterińizdi jariia etpeńiz: T.A.Á., týǵan jer men jylyn, pasporttyq nemese jeke kýálik derekterin;
5. Eger aqsha aýdarý úshin qosymshany kóshirý qajet bolsa, smartfonǵa beitanystardyń ótinishi boiynsha eshqandai baǵdarlamalardy kóshirmeýdi, oǵan qosa olarǵa oǵan qoljetimdilik bermeýdi usynamyz.
6. Eger Sizdiń shotyńyzdań aqsha urlansa, bankpen habarlasyp, jaǵdaidy sipattaý (kartany buǵattaý) kerek. Odan keiin eń jaqyn AIIB ótinish jazyp, bankke ótinishtiń qabyldanǵany týraly talondy jiberý;
7. Eger mobildik telefon jaǵalsa, qosymshany buǵattaý jáne kartanyń mobildik nómirmen bailanysyn ajyratý úshin bankpen habarlasý qajet. Sonymen birge mobildik telefon nómirin buǵattaý úshin shuǵyl uialy operatoryna júginip, bank bólimshesinde kartadaǵy sońǵy operatsiialardy tekserý kerek.
8. Iandeks.Aqsha, QIWI jáne basqa da syrtqy servister tárizdi onlain-tólem júieleri shottarynyń nómirlerine aqsha aýdarýdan óz-ózderińizdi toqtatyńyz.
Eger Siz aqparattyq qaýipsizdik intsidentiniń qurbanyna ainalsańyz, táýlik boiyisteitin 1400 nómiri arqyly kásiporyn mamandaryna shaǵymdana alasyz. Nemese myna siltemege ótip, ótinim qaldyryńyz.
