ەلٸمٸزدە تانىمال تۇلعالاردىڭ اتىنان ەرەكەت جاساعان الاياقتارعا الدانعان ازاماتتاردىڭ سانى ارتقان. بۇل جٶنٸندە «مەملەكەتتٸك تەحنيكالىق قىزمەت» رمك باسپاسٶز قىزمەتٸ حابارلادى.
الاياقتار تانىمال تۇلعانىڭ سۋرەتٸ مەن ونىڭ دەرەكتەرٸن پايدالانىپ, Telegram مەسسەندجەرٸندە جالعان اككاۋنتتار جاسايدى. بۇل جالعان اككاۋنتتار ولاردىڭ اتىنان قارجىلاي كٶمەك كٶرسەتۋ ٶتٸنٸشٸمەن حابارلاما جٸبەرەدٸ.
«مەسەلەن, بەيبٸت ەلٸبەكوۆتٸڭ جالعان پروفيلٸن الاياق Alibekov KZ دەپ كٶرسەتكەن جەنە جاقىن تۋىسىنىڭ اۋرۋحاناعا جاتقىزىلعانى مەن مەديتسينالىق ۇيىمنىڭ قىزمەتتەرٸنە شۇعىل اقى تٶلەۋ قاجەتتٸگٸن, ال كارتاسىندا اقشا جوقتىعىن مەڭزەپ, بانك كارتاسىنا اقشا اۋدارۋدى سۇراعان.ول قارىزعا الىنعان قارجىنى بٸر ساعاتتىڭ ٸشٸندە قايتارۋعا ۋەدە بەرەدٸ, ٶيتكەنٸ الاياقتاردىڭ ەرتەگٸسٸ بويىنشا «ونىڭ بٷكٸل قولما-قول اقشاسى ٷيدە» دەپ مەلٸم ەتتٸ كەسٸپورىن.
بەيبٸت ەلٸبەكوۆ پەن نۇرسۇلتان ماعزۇموۆ ەلەۋمەتتٸك جەلٸدەگٸ ٶزدەرٸنٸڭ پاراقشاسىندا وقىرماندارىنا بۇل اقپارات جالعان ەكەنٸن جەنە ولاردىڭ اتىنان الاياقتار ەرەكەت ەتەتٸنٸن حابارلادى.
سونداي-اق, الاياقتار تانىمال بلوگەر ەلٸشەر ەلٸكباەۆتىڭ اتىن جوعارىدا اتالعان سحەما بويىنشا عانا ەمەس, جازىلۋشىلاردىڭ سانىن ارتتىرۋ ٷشٸن ەلەۋمەتتٸك جەلٸدەگٸ پروفيلٸنە جازىلاتىنداردىڭ نازارىن تارتۋ ماقساتىندا ۇتىس ويىنىن جٷرگٸزۋگە پايدالانعان.
ەلٸشەر ەلٸكباەۆ Telegram مەسسەنجەرٸندەگٸ رەسمي ارناسىندا جازىلۋشىلارىنا بۇل گيۆتەردٸ ۇيىمداستىرماعانىن حابارلاپ, ٶزٸنٸڭ اتىنان الاياقتار ەرەكەت ەتەتٸنٸن ەسكەرتتٸ.
الىنعان بارلىق اقپارات دەرەۋ ٸشكٸ ٸستەر مينيسترلٸگٸنە جٸبەرٸلدٸ.
KZ-CERT قىزمەتٸ الاياقتارعا جەم بولماس ٷشٸن تٶمەندە كٶرسەتٸلگەن ساقتىق شارالارىن ساقتاۋدى ۇسىنادى:
1. قارجىلىق كٶمەكتٸ سۇراتىپ وتىرعان اككاۋنتتىڭ رەسمي بولۋىن تەكسەرۋ, ال مەدييالىق تۇلعالارعا قاتىستى جاعدايلاردا اككاۋنتتىڭ ۆەريفيكاتسييادان ٶتكەنٸنە (نيكنەيمنٸن وڭ جاعىندا كٶك قاناتشا) نازار اۋدارىڭىز;
2. حابارلامالاردى جٸبەرۋشٸنٸڭ پروفيلٸن, پايدالانۋشىنىڭ ەسٸمٸن جەنە تەلەفون نٶمٸرٸن تەكسەرۋ. پروفيلدەگٸ سۋرەتتٸ جاڭارتۋ كەزەڭٸنە نازار اۋدارۋ, سۋرەت جاقىندا جٷكتەلگەن بولسا, ويلاندىراتىن سەبەپ بار;
3. بانكتٸڭ كارتاسىنا اقشا اۋدارۋدى جٷزەگە اسىرۋ الدىندا الۋشىنىڭ دەرەكتەرٸن ٶتە مۇقييات تەكسەرۋ, كارتانىڭ نٶمٸرٸ بويىنشا بانكتٸ انىقتاۋ سەرۆيستەرٸن پايدالانۋ;
4. مىنا دەرەكتەردٸ قۇپييا ۇستاڭىز: بانكتٸڭ SMS جەنە PUSH-حابارلامالارىنىڭ كودتارىن, بانكتٸك كارتانىڭ PIN-كودىن, باقىلاۋ سۇراقتاردى, بانكتٸك كارتانىڭ دەرەكتەرٸن, جارامدىلىق مەرزٸمٸ مەن ٷشساندى كودتى (CVC). ٶز دەربەس دەرەكتەرٸڭٸزدٸ جارييا ەتپەڭٸز: ت.ا.ە., تۋعان جەر مەن جىلىن, پاسپورتتىق نەمەسە جەكە كۋەلٸك دەرەكتەرٸن;
5. ەگەر اقشا اۋدارۋ ٷشٸن قوسىمشانى كٶشٸرۋ قاجەت بولسا, سمارتفونعا بەيتانىستاردىڭ ٶتٸنٸشٸ بويىنشا ەشقانداي باعدارلامالاردى كٶشٸرمەۋدٸ, وعان قوسا ولارعا وعان قولجەتٸمدٸلٸك بەرمەۋدٸ ۇسىنامىز.
6. ەگەر سٸزدٸڭ شوتىڭىزداڭ اقشا ۇرلانسا, بانكپەن حابارلاسىپ, جاعدايدى سيپاتتاۋ (كارتانى بۇعاتتاۋ) كەرەك. ودان كەيٸن ەڭ جاقىن اٸٸب ٶتٸنٸش جازىپ, بانككە ٶتٸنٸشتٸڭ قابىلدانعانى تۋرالى تالوندى جٸبەرۋ;
7. ەگەر موبيلدٸك تەلەفون جاعالسا, قوسىمشانى بۇعاتتاۋ جەنە كارتانىڭ موبيلدٸك نٶمٸرمەن بايلانىسىن اجىراتۋ ٷشٸن بانكپەن حابارلاسۋ قاجەت. سونىمەن بٸرگە موبيلدٸك تەلەفون نٶمٸرٸن بۇعاتتاۋ ٷشٸن شۇعىل ۇيالى وپەراتورىنا جٷگٸنٸپ, بانك بٶلٸمشەسٸندە كارتاداعى سوڭعى وپەراتسييالاردى تەكسەرۋ كەرەك.
8. ياندەكس.اقشا, QIWI جەنە باسقا دا سىرتقى سەرۆيستەر تەرٸزدٸ ونلاين-تٶلەم جٷيەلەرٸ شوتتارىنىڭ نٶمٸرلەرٸنە اقشا اۋدارۋدان ٶز-ٶزدەرٸڭٸزدٸ توقتاتىڭىز.
ەگەر سٸز اقپاراتتىق قاۋٸپسٸزدٸك ينتسيدەنتٸنٸڭ قۇربانىنا اينالساڭىز, تەۋلٸك بويىٸستەيتٸن 1400 نٶمٸرٸ ارقىلى كەسٸپورىن ماماندارىنا شاعىمدانا الاسىز. نەمەسە مىنا سٸلتەمەگە ٶتٸپ, ٶتٸنٸم قالدىرىڭىز.
