Almatydaǵy «Alataý» dástúrli óner teatrynyń ónerpazdary Abaidyń týǵanyna 175 jyl tolýyna orai ádebiet kúnin arnady, dep habarlaidy "Ult aqparat".
Teatr basshylyǵy qazaqtyń uly oishyly Abaidyń 175 jyldyq mereitoiyna orai aqynnyń ǵibratqa toly, aýqymdy murasyn óskeleń urpaqqa dáripteýdi maqsat etken.
Onlain formatta ótken kontsertte Alataý dástúrli óner teatrynyń ujymy óleń oqyp, «Alataý» ulttyq ansambliniń súiemeldeýimen án oryndady.
Sazdy áýen arnaiy ázirlengen videoqatarmen berildi.
«Alataý» dástúrli óner teatrynyń ánshisi halyqaralyq jáne respýblikalyq konkýrstardyń júldegeri Jaqsylyq Saqaev «Ózgege kóńilim, toiarsyń» ánin oryndady.
Aita ketý kerek, biyl uly qazaq oishyly, aqyn Abaidyń týǵanyna 175 jyl toldy. Osyǵan orai elimizde aqyn murasyn dáripteý maqsatynda aýqymdy túrde túrli mádeni is shara uiymdastyryldy.
QR Prezidenti Qasym-Jomart Toqaev Abai jyly ultymyzdyń rýhani reformatorynyń murasyn qaita zerdeleýge keremet múmkindik bergenin aitty.
Alys-jaqyn shetelde de Abaidyń mereitoiy atalyp ótti.
Atap aitqanda, Liýksembýrgte Abaidyń 175 jyldyǵyna arnalǵan kontsert ótti.
Malaiziiada Abai atyndaǵy Qazaq ádebieti men mádenieti ortalyǵy ashyldy. Abai shyǵarmalary alǵash ret japon tiline aýdaryldy.
