Foto: Egemen.kz
Alataý qalasyn damytý boiynsha Úkimet aýqymdy jumys júrgizip jatyr. Bul týraly Premer-ministrdiń orynbasary Qanat Bozymbaev málimdedi, dep habarlaidy Ult.kz.
Onyń aitýynsha, jańa qalanyń bas jospary bekitilip, arnaiy ekonomikalyq aimaq pen Jobalaý keńsesi qurylǵan. Qazirgi tańda infraqurylymdyq kommýnikatsiialardyń tehnikalyq shemalary ázirlenýde.
Bul qadam Memleket basshysynyń óńirlerdi ornyqty ári teńgerimdi damytý jónindegi tapsyrmalaryn oryndaý aiasynda iske asyp otyr. Osy maqsatta Qazaqstannyń 2025–2030 jyldarǵa arnalǵan óńirlik damýy tujyrymdamasy qabyldandy.
Bozymbaevtyń aitýynsha, qujatta makroóńirler men ósýdiń jańa núkteleri negizinde halyqtyń ómir súrý sapasyn jaqsartý, óńirlerdiń ekonomikalyq áleýetin ashý qarastyrylǵan. Ásirese infraqurylymy artta qalǵan aimaqtarǵa respýblikalyq biýdjetten basym qarjylandyrý kózdelgen.
Sonymen qatar, monoqalalardy damytýǵa arnalǵan jańa sharalar pysyqtalǵan. Atap aitqanda, jergilikti kásipkerler men iri zaýyttar arasynda uzaq merzimdi sharttar jasaý, indýstriialyq aimaqtar qurý, shaǵyn jáne orta biznesti damytý – basty baǵyttar qatarynda.
Aýyldyq jerlerdi damytý úshin "Aýyl – El besigi" jáne "Aýyl amanaty" jobalary úilestirilip, Úkimet janyndaǵy Jobalaý keńsesi arqyly júzege asyrylady.
