24 qarasha kúni M.Áýezov atyndaǵy qazaq akademiialyq drama teatrynda Alash ardageri, memleket jáne qoǵam qairatkeri Álihan Bókeihanovtyń 150 jyldyǵyna arnalǵan "Alashtyń Álihany" atty saltanatty kesh ótti.
IýNESKO jyldyń eń myqty qairatkeri dep tanyǵan uly tulǵanyń keshinde Almaty qalasynyń ákimi Baýyrjan Baibek, tarih ǵylymdarynyń doktory, professor, Alashtanýshy - ǵalym Mámbet Qoigeldiev sóz sóiledi.
Kesh barysynda Alash ardageriniń ómiri men memlekettik qyzmeti týraly derekti beinefilm kórsetilip, Qazaqstannyń eńbek sińirgen qairatkerleri Ramazan Stamǵaziev, Gúlzat Dáýirbaeva, Erkin Shúkimanov, Álihannyń týǵan óńirinen 150 jyldyq mereitoiǵa arnaiy kelgen Dáýrenbek Árkenov, belgili ánshi Farhad Kýbeev, t.b. óner sheberleri qatysty.
Kontsert barysynda "Otyrar sazy" memlekettik akademiialyq etngrafiialyq-folklorlyq orkestri Qurmanǵazy, Táttimbet. Nurǵisa Tilendievtiń kúilerin oryndady.
Ǵ.Músirepov atyndaǵy jastar men jasóspirimder teatrynyń akterleri Álihan Bókeihanovtyń ómirine qatysty qoiylym jasady. Mazmundy, maǵynaly ótken mýzykalyq-poetikalyq keshti Almaty qalasynyń ákimdigi uiymdastyrdy.
Al 25 qarasha kúni Almaty qalalyq ákimdiginiń uiymdastyrýymen "Ǵylym Ordasy" kitaphanasynyń konferents zalynda Alash ardageri, memleket jáne qoǵam qairatkeri Álihan Bókeihanovtyń 150 jyldyǵyna arnalǵan "Alashtyń Álihany" atty Respýblikalyq ǵylymi-tájiribelik konferentsiia ótti.
Ǵylymi konferentsiiada Mámbet Qoigeldiev, Ýálihan Qalijan, Aigúl Ismaqova, Nurlan Atyǵaev, Hangeldi Ábjan, Záýresh Saqtaǵanova, Gúlbaný Júgenbaeva, t.b. belgili ǵalymdar baiandama jasady.
.jpeg)