2017 jyldyń 18 mamyry kúni QR Ulttyq akademiialyq kitaphanasynda Alashorda úkimeti men Alash avtonomiiasynyń 100 jyldyǵyna orai «El-Shejire» qoǵamdyq qory shyǵarǵan ǵalym-jazýshy Tursyn Jurtbaidyń «Dvijenie Alash» atty 3 tomdyq qujattar jinaǵy men Bolat Múrsálimniń «Alashorda» fotoalbomynyń tanystyrylymy ótti.
Jinaqtar «Samuryq-Qazyna» AQ qoldaýymen jaryq kórip otyr. Is sharaǵa qoǵam qairatkerleri, otandyq ǵalymdar, ziialy qaýym ókilderi qatysty. Olardyń arasynda tarih ǵylymdarynyń doktory, Stambýl qalasyndaǵy Mimar Sinan kórkem ýniversitetiniń professory Abdýahap Qara, jýrnalist, «Alashorda» fotoalbomyn qurastyrýshy Bolat Múrsálim, «Samruk-Kazyna Trust» áleýmettik jobalardy damytý Qorynyń resmi ókili Lima Dias bar.
Kezdesýdiń moderatory «Alashorda» úshtomdyq jinaǵynyń avtory, Qazaqstan Respýblikasynyń eńbek sińirgen qairatkeri, filologiia ǵylymdarynyń doktory, professor T.Jurtbai da boldy. «Alash» ideiasy – men úshin máńgilik ideia bolyp sanalady. Ol qazaq halqynyń qundylyqtaryn ón boiyna saqtaǵan ideia bolǵandyqtan, men sonyń aiasynda tárbielendim. Biz «Samuryq-Qazyna» Qoryna jáne onyń basshysy Ómirzaq Shókeev myrzaǵa jinaqty jaryqqa shyǵarýǵa qarjylai qoldaý kórsetkeni úshin alǵys bildiremiz», – dedi T.Jurtbai.
T.Jurtbaidyń «Dvijenie Alash» atty 3 tomdyq jinaǵy muraǵattaǵy qupiia qujattar men sot materialdary negizinde qurastyrylǵan. Avtor bul derekti shyǵarylymdy daiyndaýǵa kóp eńbek jumsady. Onda Ulttyq Qaýipsizdik Komitetiniń muraǵat materialdary negizine anyqtalǵan 1927-1932 jáne 1937-1938 jyldardaǵy «Alash» partiiasy jáne «Alashorda» úkimeti qairatkerleriniń tergeý isi týraly jazylǵan.
B.Múrsálimniń «Alashorda» fotoalbomyna sirek tarihi sýretter jinaqtalǵan, Alash arystarynyń ómiri men qyzmeti fotoderekter arqyly kórsetilgen. «Dvijenie Alash» jinaǵy men «Alashorda» fotoalbomy oqyrmandar men ziialy qaýym ókilderi tarapynan úlken suranysqa ie bolady dep kútilýde.
«Biz osy jobany iske asyrýǵa atsalysqanymyzǵa qýanyshtymyz. «Samruk-Kazyna Trust» áleýmettik jobalardy damytý Qory «Alash» qozǵalysynyń murasyn jinaqtap, ony keiingi urpaqqa amanattaýdy óziniń basty mindetterinniń biri sanaidy. Bul jinaqtarda jariialanǵan materialdardyń tarihshylarǵa, zertteýshilerge, stýdentterge mol paidasy tieri sózsiz», – deidi «Samruk-Kazyna Trust» áleýmettik jobalardy damytý Qorynyń resmi ókili Lima Dias.
Kezdesýdiń qatysýshylary atap ótkendei, «Dvijenie Alash» kitaby men «Alashorda» fotoalbomy aldaǵy ýaqytta HH ǵasyrdaǵy qazaq tarihynyń senimdi derekkózi retinde paidalanylýy múmkin.
