Kez kelgen mektep oqýlyǵyn ashyp qarasańyz, kózińiz mynaǵan túsedi. Ahmet Baitursynuly – jazýshy, aqyn, Mirjaqyp Dýlatuly – jazýshy, aqyn, Maǵjan Jumabaev – aqyn jáne jazýshy, Iliias Jansúgirov – jazýshy, aqyn jáne t.b. Jalpy kez kelgeni. Iaǵni, tek qana pýblitsistikalyq qyzmetteri tolyqtai aitylady da, negizgi saiasi qairatkerlik qyzmetteri aitylmaidy. Aitylsa, eshkiniń quiryǵyndai tym qysqa ǵana.
Nege olar Ahmetti qazaqtyń bas filologi, Ahań bolmasa bálkim kóptegen tili quryp ketken halyqtar uqsap qazaqtyń tili de ólip qalatyndyǵyn ashyq aitpaidy. Nege Ahańdy «til patshasy» retinde sýrettemeidi?! Nege olar Maǵjannyń alǵash ret psihologiia ǵylymyn zerttegenin, alǵash bolyp qazaq topyraǵynda pedagogika eńbegin jazǵanyn aitpaidy, iaǵni Maǵjan nege osy turǵydan dáriptelmeidi?!
Nege Mirjaqyptyń «Oian,qazaq!» týyndysy tek qana óleń retinde dáripteledi? Shyndyǵyna kelgende ol tutastai bir ideologiialyq uran jáne qazirgi kezdegi kóptegen kontseptsiiadan kem túspeitin ulttyq kózqaras edi.
Qazir beibit zamanda uran tastaý ońai ǵoi, ol zamanda uran tastaý - ólim. Sondyqtan nege Mirjaqyp ult ideologi retinde madaqtalmaidy?! Meniń oiymsha Alash arystaryn tek qana jazýshy nemese aqyn qylyp kórsetý - úlken saiasat. Óitkeni olardyń basty eńbekteri qazaq qoǵamyna kitap jazyp qaldyrý emes, shynaiy táýelsiz etý edi. Olar kitap jazǵany úshin emes, qaitsem qazaqty azat etemin degeni úshin atyldy. Al bul shyndyqty qalaisha qazirgi kei jandar aita alsyn. Óitkeni ózderi Alash arystarynyń tyrnaǵyna da tatymaidy.
Sondyqtan olar Alashtyqtardy qoǵamǵa tek pýblitsist etip sýretteýge múddeli. Meniń kóńilim osyny oilaǵan saiyn qulazidy.
Ashat Qasenǵalidiń feisbýktegi jazbasynan
