«Alan Parking» JShS-niń direktory Muhtar Bazarbaev eki aiǵa qamaýǵa alyndy. Bul týraly Almaty sotynyń baspasóz qyzmeti málim etti, dep habarlaidy QazAqparat.
«Tiisti qaýlysymen sotqa deiingi tergeý organynyń ótishi qanaǵattandyryldy. Kúdiktige 2 ai merzimine qamaýda ustaý bultartpaý sharasy sanktsiialandy», - dep habarlady Almaty sotynyń baspasóz qyzmeti.
Buǵan deiin, biznesmen Qairat Boranbaev ustalǵan bolatyn.
Ol kvazimemlekettik sektorda asa iri kólemde qarajat jymqyrý faktisi boiynsha tergelip jatyr. Kúdikke ilingen Q.S. Boranbaev ýaqytsha ustaý izoliatoryna qamaldy.
Aita keteiik, 2016 jyly Almatyda avtomattandyrylǵan aqyly kólik qoiatyn turaq júiesi iske qosyldy.
Atalǵan qyzmettiń eki túri bar. Kólikti kóshe boiyna qoiý jáne turaq alańdary. Barlyǵy bir operatorǵa tiesili. Ol – Alan Parking JShS.
Oǵan 12 myń turaq qaraidy.
Avtoturaqtyń basym bóligi – ortalyq kóshelerde ornalasqan.
Aqyly turaq baǵasy saǵatyna 100 teńge turady.
Úsh túrli tólem júiesi arqyly eseptesýge bolady. Ol parkomat, kivi-ámiian jáne SMS joldaý arqyly.
