QR Indýstriia jáne infraqurylymdyq damý ministrligi Alakóldiń Shyǵys Qazaqstan jáne Almaty oblysyndaǵy jaǵalaýlaryna ushaq qatynasy týraly aitty, dep habarlaidy "Ult aqparat".
Málimetke sáikes Alakólge týristik reisterdiń barlyǵy sýbsidiialanady. Bilet baǵasy 10 - 16 myń teńge aralyǵynda. Almaty oblysyna «SCAT» áýe kompaniiasy» AQ, Shyǵys Qazaqstan oblysyna «Ońtústik aspan» AQ qatynaidy.
Atap aitqanda, «SCAT» áýe kompaniiasy» AQ reisterdi syiymdylyǵy 50 adamdyq «Bombardier CRJ200» tipti áýe kemesimen oryndaidy:
- Nur–Sultan – Úsharal - Nur-Sultan baǵytynda biylǵy 27 mamyrdan bastap aptasyna 7 ret. Jolaýshyny bir jaqqa tasymaldaý tarifi 16 000 teńge.
- Almaty - Úsharal - Almaty baǵytynda 28 mamyrdan bastap aptasyna 7 ret. Bir jaqqa bilet quny 10 000 teńge.
Al «Ońtústik aspan» AQ syiymdylyǵy 50 adamdyq «AN-24» ushaǵymen kelesi reisterdi oryndaidy:
- Almaty – Úrjar - Almaty baǵytynda biylǵy 23 mamyrdan bastap aptasyna 7 ret. Jolaýshyny bir jaqqa tasymaldaý tarifi 14 000 teńge.
- Nur-Sultan – Úrjar - Nur-Sultan baǵytynda 2020 jylǵy 23 mamyrdan bastap aptasyna 7 ret. Jolaýshyny bir jaqqa tasymaldaý tarifi 16 000 teńge.
««SCAT» áýe kompaniiasy» AQ ótinimi boiynsha qyrkúiek pen qazan ailarynda jiiliktiń azaiýyn eskere otyryp, Nur-Sultan men Almatydan Úsharalǵa aptasyna qosymsha 7 reiske kóshirý máselesi qarastyrylýda.
Sondai–aq, ministrlik 2020 jylǵa bólingen sýbsidiia kólemin ulǵaitý jáne halyqtyń týristik qajettiligin qanaǵattandyrý úshin Almaty-Jezqazǵan-Almaty, Nur-Sultan - Balqash - Nur-Sultan, Nur-Sultan – Úsharal - Nur-Sultan baǵyttarynda qosymsha reisterdi shilde aiynan bastap iske qosý máselesin pysyqtaýda», - delingen aqparatta.
