Abai oblysy Úrjar aýdanynda Alakól jaǵalaýyndaǵy órtke bailanysty sotqa deiingi tergeý amaldary bastaldy, dep habarlaidy QazAqparat.
ShQO Tótenshe jaǵdailar departamenti baspasóz qyzmetiniń málimetine súiensek, 4 shilde kúni 23:20-da Úrjar aýdanynda Alakól jaǵasyndaǵy «Kerýen» demalys bazasynan órt shyqqan. Atalǵan bazadaǵy eki ǵimarat, bir kir jýatyn oryn men jeti saiajai otqa orandy.
«Sondai-aq, tilsiz jaý «Áigerim» demalys bazasynda – 4 úidi, «Jibek joly» bazasynyń aýmaǵynda – úi men monshany, «Álihan» bazasynda – 8 ǵimarat pen ashanany sharpydy. Órttiń neden shyqqany áli belgisiz. Mamandar órttiń sebebin anyqtaý úshin tiisti jumystarǵa kiristi», - delingen aqparatta.
Qazirgi ýaqytta Alakóldegi alapat órtke qatysty sotqa deiingi tergeý amaldary bastaldy.
Esterińizge sala keteiik, osyǵan deiin Alakól jaǵalaýyndaǵy 3 myń sharshy metrge jaiylǵan órtten 7 adam zardap shekkenin habarlaǵan bolatynbyz.
