اباي وبلىسى ٷرجار اۋدانىندا الاكٶل جاعالاۋىنداعى ٶرتكە بايلانىستى سوتقا دەيٸنگٸ تەرگەۋ امالدارى باستالدى, دەپ حابارلايدى قازاقپارات.
شقو تٶتەنشە جاعدايلار دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, 4 شٸلدە كٷنٸ 23:20-دا ٷرجار اۋدانىندا الاكٶل جاعاسىنداعى «كەرۋەن» دەمالىس بازاسىنان ٶرت شىققان. اتالعان بازاداعى ەكٸ عيمارات, بٸر كٸر جۋاتىن ورىن مەن جەتٸ ساياجاي وتقا وراندى.
«سونداي-اق, تٸلسٸز جاۋ «ەيگەرٸم» دەمالىس بازاسىندا – 4 ٷيدٸ, «جٸبەك جولى» بازاسىنىڭ اۋماعىندا – ٷي مەن مونشانى, «ەليحان» بازاسىندا – 8 عيمارات پەن اسحانانى شارپىدى. ٶرتتٸڭ نەدەن شىققانى ەلٸ بەلگٸسٸز. ماماندار ٶرتتٸڭ سەبەبٸن انىقتاۋ ٷشٸن تيٸستٸ جۇمىستارعا كٸرٸستٸ», - دەلٸنگەن اقپاراتتا.
قازٸرگٸ ۋاقىتتا الاكٶلدەگٸ الاپات ٶرتكە قاتىستى سوتقا دەيٸنگٸ تەرگەۋ امالدارى باستالدى.
ەستەرٸڭٸزگە سالا كەتەيٸك, وسىعان دەيٸن الاكٶل جاعالاۋىنداعى 3 مىڭ شارشى مەترگە جايىلعان ٶرتتەن 7 ادام زارداپ شەككەنٸن حابارلاعان بولاتىنبىز.
