Alakólde 4 demalys orny órtenip, jeti adam zardap shekti, - dep habarlaidy Tengrinews.kz tilshisi ShQO Tótenshe jaǵdailar departamentine silteme jasap.
"Shyǵys Qazaqstan oblysy Tótenshe jaǵdailar departamentiniń órt sóndirýshileri, jergilikti atqarýshy organdar, politsiia qyzmetkerleri men turǵyndardyń birlesken kúshimen 5 shildede saǵat 05.40-ta órt sóndirildi. Órt 3000 sharshy metrge jaiyldy. 4 demalys orny órtten zardap shekti.
Meditsinalyq kómekke júgingen 7 adam tekseristen keiin aýrýhanaǵa jatqyzýdy qajet etpedi", - dedi TJD.
Órt ornyna ákimdikterden, Shyǵys Qazaqstan oblysy Tótenshe jaǵdailar departamentinen, Politsiia departamentinen, Tarbaǵatai ulttyq parkinen jáne Almaty oblysynyń Tótenshe jaǵdailar departamentinen 186 adam men 29 tehnika jumyldyryldy.
