Foto: Instagram.com / @dinatansari
Alakól jaǵalaýynda belgisiz er adam balaly otbasyǵa tas laqtyrǵan. Shabýyl saldarynan 8 jastaǵy qyz zardap shekti, - dep habarlaidy Tengrinews.kz.
Oqiǵa pansionatty izdeý kezinde bolǵan. Erli-zaiypty balalarymen Alakól jaǵasynan demalys aimaǵyn izdegen.
Alakól aýdany, Aqshi aýylynda belgisiz er adam olardyń kóligine tas laqtyrǵan. Shabýyl saldarynan kólikke zaqym kelip, 8 jastaǵy qyzy aýyr jaraqat alǵan.
"Jedel-izdestirý is-sharalary barysynda demalýshylardyń biri ustaldy, ol - Jarkenttiń 28 jastaǵy turǵyny. Er adam mas kúide bolǵanyn aitty. Is júzinde qajetti saraptamalar taǵaiyndalyp, "Buzaqylyq" baby boiynsha qylmystyq is qozǵaldy. Biraz ýaqyt quqyq buzýshyǵa qatysty tergeý barysynda protsestik májbúrleý sharasy – kelý mindettemesi tańdaldy", - dedi Almaty oblysy Politsiia departamentiniń baspasóz qyzmeti ókilderi.
Qazir qyz oblystyq balalar aýrýhanasyna jatqyzylyp, dárigerler baqylaýyna alynǵan.
