Alakól jaǵalaýynda demalýshylar men Aqshi aýyly turǵyndary arasynda jappai tóbeles boldy. Janjal Aqshi aýylyndaǵy dámhananyń birinde bolǵan.
Almaty oblystyq politsiia departamenti baspasóz qyzmetiniń málimetinshe, oqiǵa tamyzdyń 15-nen 16 qaraǵan túni Alakólde demalýshylar kóp keletin aýmaqtyń birinde bolǵan. «Qylmystyq kodekstiń 293-baby, iaǵni, buzaqylyq boiynsha qazir qylmystyq is qozǵaldy. Janjaldy shyǵarǵandardy anyqtaý, izdeý júrgizilip jatyr.
«Osyǵan bailanysty barlyq mán-jaidy anyqtaý úshin oqiǵa ornyna jergilikti politsiia inspektory men tergeý-jedel toby jiberildi. Politsiia ókilderi barǵan soń dámhana qyzmetkerleri jappai tóbeles uiymdastyrýshylardyń ústinen jazbasha shaǵym túsirdi. Qazirgi ýaqytta janjalǵa qatysýshylardyń barlyǵyn anyqtaý boiynsha jedel-izdestirý jumystary júrgizilýde. Atalǵan dáiek boiynsha QR Qylmystyq kodeksiniń 293-baby 2-bóligimen (Buzaqylyq) qylmystyq is qozǵaldy. Tergeý barysy týraly keiinirek habarlanady. Sondai-aq jappai tóbeles kezinde kýágerler men jábirlenýshiler tarapynan politsiiaǵa habar túspegen», — dedi Almaty oblystyq PD basapsóz qyzmeti.
Politsiia aqparatyna sáikes, dámhana ákimshiligi buzaqylarǵa qatysty aryz jazǵan. Tergeý amaldary júrip jatyr.
